بۇگىن – حالىقارالىق بالالاردى قورعاۋ كۇنى, دەپ حابارلايدى Egemen.kz.
بۇل كۇندى مەرەكە رەتىندە اتاپ ءوتۋ 1925 جىلى جەنەۆادا بالالار ماسەلەلەرىنە ارنالعان دۇنيەجۇزىلىك كونفەرەنتسيادا قابىلدانعا. ءبىر عاسىرعا جۋىق تاريحى بار مەرەكەنى تاۋەلسىز قازاقستان دا جىل سايىن اتاپ وتەدى.
جالپى قازاقستان بالالاردىڭ قۇقىعىن قورعاۋعا قاتىستى حالىقارالىق قۇجاتتاردىڭ بارلىعىن دەرلىك راتيفيكاتسيالاعان.
پرەزيدەنت قاسىم-جومارت توقاەۆ ءوزىنىڭ العاشقى جولداۋىندا-اق وسى ماسەلەگە ەرەكشە توقتالىپ, زاڭنامانى جەتىلدىرۋ تۋرالى تاپسىرمالار بەرگەن بولاتىن. سونىڭ اياسىندا ءبىر جىلدا ەلىمىزدە بالالاردىڭ قۇقىعى تۋرالى زاڭناماعا 83 تۇزەتۋ ەنگىزىلگەن.
بالالاردىڭ قۇقىعىمەن بايلانىستى ماسەلەلەردى ەلىمىزدە ءبىلىم جانە عىلىم مينيسترلىگىنىڭ بالالاردىڭ قۇقىقتارىن قورعاۋ كوميتەتى رەتتەيدى. سونداي-اق بالالاردىڭ قۇقىقتارىن قورعاۋ جونىندەگى ۋاكىل بار. بۇل قىزمەتتى قازىر تانىمال قوعام قايراتكەرى ارۋجان ساين اتقارىپ وتىر.