ەلوردادا بالالاردى قورعاۋ كۇنى قالاي وتەدى؟

1 ماۋسىم ءال-فارابي اتىنداعى وقۋشىلار سارايى «تاليسمان دەتستۆا» اتتى ەرتەگى كەيىپكەرلەرىنىڭ قاتىسۋىمەن تەاترلاندىرىلعان قويىلىمعا شاقىرادى. بۇل كۇنى استانالىق تسيركتە «تۋعان جەر» بالالار-جاسوسپىرىمدەر ستۋدياسىنىڭ مەرەكەلىك كونتسەرتى وتەدى. «جەتىسۋ» ساياباعىندا ەسىل اۋدانىنىڭ بالالارى اراسىندا «كوڭىلدى ستارتتار» وتكىزىلەدى, ال №2 ونەر مەكتەبى «ياركيە كراسكي دەتستۆا» اتتى ساندىك-قولدانبالى شىعارماشىلىعىنان شەبەرلىك ساباعىن وتكىزەدى. سونىمەن قاتار, مەرەكەگە وراي ەلوردادا جاس تۇرعىندار اراسىندا «بالالار فەستيۆالى» جوسپارلانىپ وتىر.

№3 بالالار مۋزىكا مەكتەبى «سالەم, جاز!» ءىس-شاراسىن, ال «جەرۇيىق» ساياباعىندا «تۋعان جەر» بالالار-جاسوسپىرىمدەر ستۋدياسىنىڭ حورى ءدىلنۇر ءبىرجانوۆانىڭ ونەرىن تاماشالاۋعا بولادى.

«الجير» ساياسي قۋعىن-سۇرگىن قۇرباندارىنىڭ مەموريالدى-مۇراجاي كەشەنى 1 ماۋسىم كۇنى «كارلاگ تۋرالى اقيقات» ونلاين-كورمەسىن وتكىزەدى.

بالالار كوركەمسۋرەت مەكتەبىندە, №2 مۋزىكا مەكتەبىندە «تاۋەلسىزدىك ۇرپاعى» بەينەلەۋ جانە ساندىك-قولدانبالى ونەر جانرىنداعى ۇزدىك ارت-نىسانعا بالالار اراسىندا حالىقارالىق بايقاۋ وتەدى.

سونىمەن قاتار №1 ونەر مەكتەبى «قوش كەلدىڭ, كوڭىلدى جاز!» شىعارماشىلىق جۇمىستار كورمەسىن وتكىزەدى.

سونداي-اق مەكتەپ جانىنداعى لاگەرلەردىڭ جازعى الاڭىندا «بالالارعا جەر شارىن سىيلايىق!», «بالالاردىڭ كۇلكىسى – كوركى, ءسانى الەمنىڭ!» مەرەكەلىك شاراسى وتەدى.

«شىعىس» بجو مەرەكەگە وراي «ارقا الاڭى» ورتالىعىندا «جاس ۇرپاق — جارقىن بولاشاق!» اتتى ۇلتتىق ويىنداردان جارىس وتكىزەدى.

سونىمەن قاتار بالالاردىڭ ەلوردانىڭ كورىكتى جەرلەرىن ارالاۋ ءۇشىن «Red Bus» ەكى قاباتتى اۆتوبۋس ەكسكۋرسياسى جۇمىس ىستەيدى.

زاعيپ جانە ناشار كورەتىن ازاماتتارعا ارنالعان مامانداندىرىلعان كىتاپحانا «جازۋدىڭ اسەم بوياۋلارى» اتتى سۋرەتتەر بايقاۋىنا قاتىسۋعا شاقىرادى, ال №1 بالالار مۋزىكا مەكتەبى «اينالايىن بالادان» مۋزىكالىق كوڭىل-كۇي سىيلايدى.

بالالار-جاسوسپىرىمدەر تۋريزم جانە ولكەتانۋ ورتالىعى مەرەكەلىك كۇنى «تۋريستىك وتباسى» شاراسىن ءۇش كەزەڭدە كۆەست (اسپالى وتكەلدەن ءوتۋ, سكالودرومعا شىعۋ, ارقان ساياباعىنان ءوتۋ) ارقىلى ۇيىمداستىرادى. ال «جەلەزنودوروجنىي» تم-دا تەحنيكالىق شىعارماشىلىق ورتالىعىنىڭ فيليالى - موتوكروس جانە «اشىق اسپان استىنداعى شىعارماشىلىق» اتتى اۋە جىلاندارىن ۇشىرۋ بويىنشا كورسەتىلىم وتكىزەدى.

سونداي-اق ورتالىقتاندىرىلعان قالالىق كىتاپحانادا «بالالىق شاق الەمى — ەرتەگى الەمى» تانىمدىق بايقاۋى وتەدى.

«باقىتتى بالالىق شاق» مەرەكەلىك باعدارلاماسىن ومىرلىك قيىن جاعدايداعى بالالاردى قولداۋ ورتالىعى دا دايىندايدى. ويىن باعدارلاماسىندا بەينەقۇتتىقتاۋلار چەللەندجى, «سالەم, جاز!», بالالار شىعارماشىلىعىنىڭ كورمەسى, «بالالاردىڭ ارمان الەمىندەگى اسفالتتى كەسكىندەمە» سۋرەتتەر بايقاۋى, «بالالىق شاق ەلىنە ساياحات» كۆەست-ويىنى وتكىزىلەدى.

«SOS استانا بالالار اۋىلىندا» «سيقىرلى بالالىق شاق ەلى» جازعى الاڭىندا ءداستۇرلى كونتسەرتتىك باعدارلاما ۇيىمداستىرىلادى.

ەلوردالىق مەكتەپتەر دە شەتتە قالماي, قىزىقتى باعدارلامالار دايىندادى. سونىمەن, №6 مەكتەپ-گيمنازياسىندا «جەر شارىنىڭ بالالارى بەيبىت الەمدە ءومىر ءسۇرۋى ءتيىس» اسفالتقا سۋرەت سالۋ بايقاۋى, №85 مەكتەپ-ليتسەيىندە «ولكەنىڭ گۇل جايناعان بالالارى» كونتسەرتى, ال قىزدارعا ارنالعان ء«بىلىم-يننوۆاتسيا» ليتسەيىندە «بالالىقپەن قوشتاسۋعا اسىقپا» ادەبي كورمەسى وتەدى. №27 مەكتەپ-ليتسەيى «بالالىق شاق ەلى» ولەڭ, ءان, سۋرەت, بي جانە قۇتتىقتاۋلارىن دايىندايدى, №31 مەكتەپ-گيمنازياسى «مەنىڭ باقىتتى بالالىق شاعىم» اتتى بالالار فوتوسۋرەتتەرىنىڭ كونكۋرسىن وتكىزەدى.

№3 مەكتەپ-گيمنازياسىندا #جيۆايايگرا «يگرى ناشەگو دەتستۆا» شاراسى, ال №79 مەكتەپ-ليتسەيىندە «كوڭىلدى بالالار بۇكىل پلانەتادا ءومىر ءسۇرۋى ءتيىس» ويىن-ساۋىق باعدارلاماسى وتەدى. م.وتەمىسوۆ اتىنداعى وقۋشىلار سارايىندا اعاش كەسۋ, بەينەلەۋ ونەرى, كاراتە, برەيك دانس, شاحمات باعىتتارىنىڭ شەبەرلەرى باس قوسادى. سول كۇنى ءال-فارابي اتىنداعى وقۋشىلار سارايىندا قالالىق «نۇر-سۇلتان – دەبات قالاسى» دەبات ءتۋرنيرىنىڭ فينالدىق زياتكەرلىك ويىنى وتەدى.

ايتا كەتۋ كەرەك, ءىس-شارالاردىڭ ءبارى سانيتارلىق نورمالار مەن تالاپتاردى قاتاڭ ساقتاي وتىرىپ وتەدى. ولاردىڭ كوپشىلىگىن الەۋمەتتىك جەلىلەردەگى مادەنيەت جانە ءبىلىم بەرۋ مەكەمەلەرىنىڭ رەسمي پاراقشالارىندا, سونداي-اق تەلەارنالار ەفيرىندە ونلاين كورۋگە بولادى.