قازاقستاندىق ولگا رىپاكوۆا جەڭىل اتلەتيكادان «گاۋھار ليگاعا» قاتىسادى, دەپ حابارلايدى Egemen.kz Olympic.kz سايتىنا سىلتەمە جاساپ.
بۇگىن, 28 مامىردا دوحادا (قاتار) جەڭىل اتلەتيكادان الەمدىك «گاۋھار ليگاسى» ءتۋرنيرى باستالادى.
جارىسقا قاتىسۋشىلار اراسىندا قازاقستان قۇراماسىنىڭ ۇزدىگى ولگا رىپاكوۆا بار. دۇنيەجۇزىلىك دودادا ول ءۇش قارعىپ سەكىرۋ بويىنشا باق سىنايدى. اتالعان سانات بويىنشا نەگىزگى فاۆوريتتەردىڭ بارلىعى سىنعا تۇسەدى. ولاردىڭ قاتارىندا وليمپيادا چەمپيونى يۋليمار روحاس (ۆەنەسۋەلا), ەكى دۇركىن الەم چەمپيونى كاترين يبارگۋەن (كولۋمبيا), وليمپيادا ويىندارىنىڭ جۇلدەگەرى ولگا سالادۋحا (ۋكراينا) بار.
ايتا كەتەرلىگى, جارىس بۇگىن ەلوردا ۋاقىتىمەن ساعات 21:38-دە باستالادى.