قازاقستاندىق بوكسشى گەننادي گولوۆكين مەن جاپوندىق ريوتا مۋراتا 28 جەلتوقسان كۇنى توكيودا ورتا سالماقتاعى چەمپيوندىق تيتۋل ءۇشىن بىرلەسكەن جەكپە-جەك وتكىزەتىنى تۋرالى تۇبەگەيلى كەلىسىمگە كەلدى, دەپ حابارلايدى Egemen.kz.
39 جاستاعى گولوۆكين (41-1-1, 36 كو) – IBF جانە IBO تيتۋلدارىنىڭ يەگەرى, سوڭعى ايقاسىن 2020 جىلدىڭ جەلتوقسانىندا وتكىزدى. جەتىنشى راۋندتا پولياك كاميل شەرەمەتانى تەحنيكالىق نوكاۋتپەن جەڭدى. ول مانسابىندا ءبىر-اق رەت مەكسيكالىق ساۋل الۆارەستەن جەڭىلىس تاپقان.
35 جاستاعى مۋراتا (16-2, 13 كو) – WBA نۇسقاسى بويىنشا الەم سۋپەرچەمپيونى.
بۇدان ەرتەرەك گولوۆكين مەن مۋراتانىڭ ءبىر كاردتا وسى جىلدىڭ تامىز-قىركۇيەك ايلارىندا ونەر كورسەتەتىنى حابارلانعان بولاتىن. ولاردىڭ قارسىلاستارىنىڭ اتى ءالى جاريا ەتىلمەدى. ال ەكەۋىنىڭ جەكپە-جەگى جاڭا جىلدىڭ قارساڭىنا, 31 جەلتوقسانعا جوسپارلانعان.