ماشينا جاساۋ ءوندىرىسىنىڭ مىقتىلىعى تەك تەحنيكانىڭ, ونىڭ قۇرامداس بولشەكتەرىنىڭ ساپالىلىعىنا نەمەسە قىزمەت كورسەتۋدىڭ جوعارى دەڭگەيىنە عانا بايلانىستى ەمەس. دايىن ونىمگە قاراعاندا ونىڭ ەڭ باستى ارتىقشىلىعىنىڭ ءبىرى – جەرگىلىكتى جاعدايلارعا بەيىمدەلۋ مۇمكىندىگىنىڭ بولۋىندا.
ماسەلەن, بۇرىن ەلىمىزدىڭ جىلى ءوڭىرى – وڭتۇستىكتە عانا پايدالانىلىپ كەلگەن SAZ LE60 پنەۆمو-اۆتوبۋستارىنىڭ جوعارى جايلىلىعى بيىل سولتۇستىك قازاقستاندا دا قولجەتىمدى بولادى. وتاندىق ءوندىرۋشى سەرىكتەستەرىمەن بىرگە, كولىكتىڭ كەز كەلگەن اۋا رايىنا بەيىمدەلگەن ارنايى ءتۇرىن جاساۋعا كىرىستى.
قوستاناي زاۋىتى قازاقستان وڭىرلەرىنىڭ جەكە سۇرانىستارىنا ساي SAZ اۆتوبۋستارىنىڭ كەز كەلگەن جيناقتالىمىن جۇزەگە اسىرۋعا دايىن.
جوبا اياسىندا «سارىاركااۆتوپروم» جشس مەن Samauto بك جشق اراسىندا ىنتىماقتاستىق تۋرالى باس كەلىسىمگە قول قويىلدى.
ء«بىز ەلىمىزدەگى اۆتوبۋس پاركتەرىندەگى توزعان تەحنيكالار ماسەلەسىن بىلەمىز. ونى شەشۋدىڭ جولى – قولجەتىمدى جولاۋشىلار تەحنيكاسىن ءوندىرىپ شىعارۋ. شىعارىلاتىن ءونىمدى تاڭداۋ كەزىندە ءبىز تەحنيكالىق سيپاتتامالارىنا ەرەكشە ءمان بەرەمىز: Euro V ەكولوگيالىق كلاسى جانە جولاۋشىلاردىڭ قاۋىپسىزدىگى ماڭىزدى. وسى تالاپتىڭ بارىنە جاڭا LE60 اۆتوبۋسى تولىق سايكەس كەلەدى, سوندىقتان بۇل جولاۋشىلار كولىگىن قازاقستاندا جۇرەتىن مارشرۋتتار قاتارىنان كۇتەمىز», دەپ اتاپ ءوتتى «الليۋر» كت پرەزيدەنتى وكسانا حولستينينا.
اۆتوبۋستاردى شىعارۋ وسى جىلدىڭ ەكىنشى جارتىسىندا باستالادى جانە جىل سوڭىنا قاراي تاراپتار 200 بىرلىك تەحنيكا شىعارۋدى جوسپارلاپ وتىر. ال كەلەسى جىلى بۇدان ەكى ەسە كوپ تەحنيكا شىعارىلماق.