تمد ۇكىمەت باسشىلارى كەڭەسىنىڭ وتىرىسىنا قاتىسۋ ءۇشىن مينسك قالاسىنا جاساعان جۇمىس ساپارى اياسىندا قر پرەمەر-ءمينيسترى اسقار مامين بەلارۋس رەسپۋبليكاسىنىڭ پرەمەر-ءمينيسترى رومان گولوۆچەنكومەن كەلىسسوز جۇرگىزدى, دەپ حابارلايدى Egemen.kz رrimeminister.kz-كە سىلتەمە جاساپ.
تاراپتار ساۋدا-ەكونوميكالىق, ينۆەستيتسيالىق, كولىك-لوگيستيكالىق, اگروونەركاسىپ سالالارىنداعى, فارماتسەۆتيكا مەن دەنساۋلىق ساقتاۋداعى ەكىجاقتى ىنتىماقتاستىقتى ودان ءارى ارتتىرۋ پەرسپەكتيۆاسىن تالقىلادى. تاۋەلسىز مەملەكەتتەر دوستاستىعى, ەۋرازيالىق ەكونوميكالىق وداق جانە باسقا دا ينتەگراتسيالىق بىرلەستىكتەر اياسىنداعى ءوزارا ءىس-قيمىلدىڭ وزەكتى ماسەلەلەرى قارالدى.
2021 جىلدىڭ ءى توقسانىنىڭ قورىتىندىسى بويىنشا ەكىجاقتى تاۋار اينالىمى $175,6 ملن قۇرادى, بۇل 2020 جىلدىڭ سايكەس كەزەڭىمەن سالىستىرعاندا 12%-عا جوعارى.
قازاقستاندا 40% دەڭگەيىندە جەرگىلىكتەندىرۋمەن ءىرى ونەركاسىپتىك جانە اۋىل شارۋاشىلىعى تەحنيكاسىن ءوندىرۋ بويىنشا قازاقستان مەن بەلارۋستىڭ 8 بىرلەسكەن كاسىپورنى بەلسەندى جۇمىس ىستەيدى.