جىل باسىنان بەرى 53 ادام, ونىڭ ىشىندە 26 بالا سۋعا باتىپ قايتىس بولدى. بىلتىر وسى كەزەڭدە 77 ادام سۋعا كەتكەن, ونىڭ ىشىندە 18-ءى بالا بولعان. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ازاماتتىق قورعانىس جانە اسكەري بولىمدەر كوميتەتىنىڭ توراعاسى باۋىرجان سىزدىقوۆ مالىمدەدى, دەپ جازادى Egemen.kz.
سۋ ايدىندارىندا بارلىعى 38 ادام, ونىڭ ىشىندە 4 بالا قۇتقارىلدى.
«سۋدا قايتىس بولۋدىڭ باستى سەبەپتەرى, جابدىقتالماعان, تىيىم سالىنعان جەرلەردە شومىلۋ, ەرەسەكتەردىڭ بالالاردى قاراۋسىز قالدىرۋى, سۋعا ابايسىزدا قۇلاۋ جانە ءوز كۇشتەرىن جەتىك باعالاماۋ, جەكە قۇتقارۋ قۇرالدارىنسىز بالىق اۋلاۋ, قۇتقارۋ كەۋدەشەلەرىنسىز ءجۇزۋ قۇرالدارىن (كاتاماران) پايدالانۋ. وتكەن اپتادا, 17-20 مامىر ارالىعىندا ەلىمىزدە 12 ادام سۋعا كەتكەن, ونىڭ ىشىندە ەكۋى - بالا», دەدى سپيكەر.
ەلىمىزدە شومىلۋ كەزەڭى 1 ماۋسىمدا باستالىپ, 1 قىركۇيەككە دەيىن جالعاسادى.