الماتىنىڭ پوليتسيا دەپارتامەنتىندە تەلەستۋديا اشىلدى. بۇل تۋرالى دەپارتامەنت باسشىسى قانات تايمەردەنوۆ ءمالىم ەتتى, دەپ حابارلايدى Egemen.kz.
الماتى قالالىق پوليتسيا دەپارتامەنتىنىڭ باستىعى قانات تايمەردەنوۆتىڭ ايتۋىنشا, مەگاپوليستە قىلمىس دەڭگەيى 21,3 پايىزعا تومەندەگەن. قۇقىقتىق جانە قىلمىستىڭ اشىلۋى 15,3 پايىزعا جاقساردى. سونىمەن قاتار ول پوليتسيا دەپارتامەنتىندە جاڭا تەلەستۋديا اشىلعانىن جەتكىزدى.
«تەلەستۋديا زاماناۋي تەلەۆيزيالىق قۇرلادارمەن جابدىقتالعان. مۇندا تەلەديدار باعدارلاماسىنىڭ وزىنىدىك ءوندىرىسى جۇزەگە اسادى. قالادا ءبىر تاۋلىكتە بولعان قىلمىس جانە توتەنشە جاعدايلار تۋرالى «مەگاپوليس» باعدارلاماسى ەفيرگە شىعادى. حابار جۇمىس كۇندەرى تاڭعى ساعات 11-دە 5-7 مينۋت بولادى. «قالا قابىلداندى» اپاتالىق تالداۋ باعدارلاماسى سەنبى كۇنى شىعادى دەپ جوسپارلاپ وتىرمىز», دەدى قانات تايمەردەنوۆ .
«سۇراڭىز, پوليتسيا جاۋاپ بەرۋدە» – بۇل دا اپتالىق باعدارلاما بولماق. مۇندا ماماندار تۇرعىنداردىڭ سۇراعىنا جاۋاپ بەرەدى.
«بۇل باعدارلامالار پوليتسيا دەپارتامەنتىنىڭ Youtube ارناسىندا, سونداي-اق تەلەرگام نۇسقاسىندا كورسەتىلەدى. سونىمەن قاتار الەۋمەتتىك جەلىلەرگە دە شىعادى», دەپ ءتۇسىندىردى الماتىنىڭ باس پوليتسەيى.