بۇگىن نۇر-سۇلتاندا «باقىتتى شاڭىراق» قوعامدىق قورى قالا اكىمدىگىنىڭ قولداۋىمەن ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلارعا پسيحولوگيالىق كومەك كورسەتۋ ورتالىعىن اشتى, دەپ حابارلايدى Egemen.kz.
پسيحولوگيالىق كومەك ورتالىعىندا ەرەكشە بالالاردى تاربيەلەپ وتىرعان انالار جۇمىس ىستەيدى. ولار كاسىپتىك وقىتۋدان ءوتىپ, ەرەكشە بالالاردى تاربيەلەپ وتىرعان وتباسىلارعا كومەك كورسەتەدى.
ايتا كەتەيىك, «باقىتتى شاڭىراق» قوعامدىق قورى وسىمەن ءتورتىنشى ورتالىعىن اشىپ وتىر.
ء«بىزدىڭ قورعا تۇراقتى قولداۋ كورسەتىپ, ءوز جوبالارىمىزدى جۇزەگە اسىرۋعا مۇمكىندىك بەرگەنى ءۇشىن قالا اكىمدىگىنە العىس بىلدىرەمىز. اكىمدىك ىلعي دا قول ۇشىن بەرۋگە دايىن تۇرادى. بۇل ومىردە مۇمكىن ەمەس ەشتەڭە جوق, ەگەر ادام بىرنارسەنى وزگەرتكىسى كەلسە, ەڭبەك ەتۋى كەرەك. بىرگە جۇمىس ىستەيتىن ايەلدەردىڭ ەڭبەگىن كورىپ وتىرمىن. وسىعان دەيىن اشقان ورتالىعىمىز سەكىلدى مۇندا دا ەرەكشە بالالاردىڭ انالارى جۇمىس ىستەيدى. ولار ءوز وتباسىمەن – اتا-اجەلەرىمەن, اكەلەرىمەن, دەنى ساۋ بالالارىمەن جۇمىس ىستەيتىن بولادى. قازىر قاتارىمىزدا 15 انا بار. سونداي-اق انيماتورلار قىزمەتىن اشتىق, ال وعان دەيىن انالارىمىزدى ارنايى وقىتتىق», دەيدى «باقىتتى شاڭىراق» قق ءتورايىمى بوتاگوز سۇلتانوۆا.
ەستەرىڭىزگە سالا كەتەيىك, وتكەن جىلدان بەرى ەلوردادا اكىمدىكتىڭ قولداۋىمەن ءتۇرلى توپتاردىڭ باستاماسىمەن اشىلعان 8 ورتالىق جۇمىس ىستەيدى. ولار حالىقتىڭ الەۋمەتتىك وسال توپتارىنا كومەك كورسەتەدى. ولاردىڭ قاتارىندا «Strong Mothers» ءبىلىم بەرۋ ورتالىعى, «التىن شاڭىراق ۇياسى» كيىم تىگۋ تسەحى, «باقىتتى شاڭىراق» قىزمەت كورسەتۋ بويىنشا كوپسالالى ورتالىعى بار.