قر اقپارات جانە قوعامدىق دامۋ ءمينيسترىنىڭ بۇيرىعىمەن ايجان بولاتقىزى شاينازاروۆا قر اقپارات جانە قوعامدىق دامۋ مينيسترلىگى اپپاراتىنىڭ باسشىسى لاۋازىمىنا تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى حابارلايدى.
ايجان شاينازاروۆا 1971 جىلى الماتى قالاسىندا دۇنيەگە كەلگەن. سانكت-پەتەربۋرگ مەملەكەتتىك ۋنيۆەرسيتەتىن, قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ۇلتتىق مەملەكەتتىك ساياسات مەكتەبىن بىتىرگەن, ديۋك ۋنيۆەرسيتەتىندە تاعىلىمدامادان وتكەن.
ەڭبەك جولىن 1993 جىلى جامبىل جەڭىل جانە ازىق-ت ۇلىك ونەركاسىبى ينستيتۋتىنىڭ الماتى فيليالىندا اعا لابورانت قىزمەتىنەن باستادى.
1994-1999 جىلدارى قازاق مەملەكەتتىك باسقارۋ اكادەمياسىندا ءتۇرلى لاۋازىمداردا جۇمىس ىستەدى. 1999-2001 جىلدارى – ل. ن. گۋميلەۆ اتىنداعى ەۇۋ اعا وقىتۋشىسى.
2001-2004 جىلدارى – قر مادەنيەت, اقپارات جانە قوعامدىق كەلىسىم مينيسترلىگىنىڭ ۇيىمداستىرۋ جۇمىسى جانە الەۋمەتتىك تەحنولوگيالار دەپارتامەنتىنىڭ تالداۋ جانە مونيتورينگ ورتالىعىنىڭ باس مامانى, باسشىسى.
2004 جىلعى اقپان-جەلتوقسان ارالىعىندا – قر اقپارات مينيسترلىگىنىڭ الەۋمەتتىك تەحنولوگيالار دەپارتامەنتىنىڭ تالداۋ جانە مونيتورينگ ورتالىعىنىڭ باستىعى. 2004-2021 جىلدارى قر پرەزيدەنتى اكىمشىلىگىندە ءتۇرلى قىزمەتتەر اتقارعان.
2021 جىلدىڭ اقپان ايىنان باستاپ قازىرگى تاڭعا دەيىن نۇر-سۇلتان قالاسى ەسىل اۋدانى اكىمىنىڭ ورىنباسارى قىزمەتىن اتقاردى.