قاراعاندى وبلىسى جايرەم كەنتىنىڭ ء«وندىرىس ەرىكتىلەرى» ەرىكتى توبى قاراعاندى وبلىستىق ونكولوگيالىق ديسپانسەرىنىڭ پاتسيەنتتەرىنە قولداۋ كورسەتتى. بىرنەشە كۇننىڭ ىشىندە ولار اقشا جيناپ, 200 ليتر قىمىز ساتىپ الىپ, مەديتسينالىق مەكەمەگە الىپ كەلدى, دەپ حابارلايدى Egemen.kz
بيە ءسۇتى ساۋىعۋعا جاقسى كومەك بولادى. قىمىز حيميا جانە ساۋلە تەراپياسىن الاتىن پاتسيەنتتەرگە قاجەت.
سۋسىننىڭ ءبىر عانا قارسى كورسەتىلىمى بار - وپەراتسيادان كەيىن بىردەن ىشۋگە بولمايدى.
«ونكولوگيالىق ناۋقاستاردى قىمىزبەن قامتاماسىز ەتۋ يدەياسىن ءبىزدىڭ ەرىكتىلەرىمىزدىڭ ءبىرى ۇسىندى. ول ءوزى وسى اۋرۋحاناعا تۇسكەن. دياگنوز راستالمادى, سوندىقتان قۋانىشتى حابارلان سوڭ ۇيگە ورالىپ, يگى ءىس جاساۋدى ۇسىندى», دەيدى ء«وندىرىس ەرىكتىلەرى» توبىنىڭ جەتەكشىسى گاۋحار ناۋرىزباەۆا.
بۇگىندە ء«وندىرىس ەرىكتىلەرى» توبىنا «قازتسينك» كومپانياسىندا جۇمىس ىستەيتىن 150 ەرىكتى كىرەدى.
ونىڭ بارلىعى جەرلەستەرىنە كومەك كورسەتۋ كەرەك دەپ شەشتى. اقشا ءبىر كۇندە جينالدى.
جايرەمدىكتەردىڭ قولىمەن جاسالعان 200 ليتر قىمىز ساتىپ الىندى.
ناتيجەسىندە ونى مەديتسينالىق مەكەمەنىڭ 180 پاتسيەنتى الادى.
ولاردىڭ اتىنان ديسپانسەردىڭ باس دارىگەرى مۇراتبەك جۇماقاەۆ كورسەتىلگەن قايىرىمدىلىق ءۇشىن العىسىن جەتكىزدى.
«اي سايىن اۋىل تۇرعىندارىنا كومەكتەسەمىز. جۇمىسىمىز ەكى باعىتتا ءجۇرىپ جاتىر. بۇل ماتەريالدىق قولداۋ – ءبىز ونىمدەردى, قاجەتتى زاتتاردى ساتىپ الامىز. سونىمەن قاتار, سەنبىلىككە شىعامىز, سىرلاۋعا, اقتاۋعا كومەكتەسەمىز. باستاپقىدا ءبىز جايرەم تۇرعىندارىنا عانا كومەكتەسەمىز دەپ كەلىستىك. بىراق قاراجال مەن وسكەمەندەگى از قامتىلعان وتباسىلارعا كومەكتەسۋ مۇمكىندىگى تۋدى. ەندى وبلىس تۇرعىندارىنا قول ۇشىمىزدى سوزۋعا تىرىسامىز», دەدى گاۋحار ناۋرىزباەۆا.
1 ماۋسىم دا جاقىنداپ كەلەدى. توپ ەرىكتىلەرى مەرەكەگە دايىندالىپ جاتىر.
جايرەم كەنتىنىڭ مۇگەدەك بالالارىنا ارنالعان سىيلىققا اقشا جيناۋدا.