بۇگىن قوستانايداعى №29 مەكتەپتىڭ 9-سىنىپ وقۋشىسى سۋعا باتىپ كەتتى. قايعىلى وقيعا تۇسكە دەيىن «اەروپورت» شاعىن اۋدانىنداعى شاعىن سۋ قويماسىندا بولعان, دەپ حابارلايدى Egemen.kz.
بالا مەكتەپتەگى سوڭعى قوڭىراۋدان كەيىن اناسىمەن بىرگە ۇيىنە كەتكەن. كەيىن دوستارىمەن بىرگە اتالعان شاعىن اۋداندا ورنالاسقان «كەرۋەن» ساياباعىنا بارىپ, سۋعا سەكىرگەن.
«قۇتقارۋشىلار وقيعا ورنىنا جەدەل جەتتى. كۋاگەرلەردىڭ سوزىنشە, بالا الاسا كوپىردىڭ ۇستىنەن سۋعا سەكىرىپ كەتىپ, سودان شىقپاعان. قازىر بىردەمە ايتۋدىڭ ءوزى قيىن. بۇل سۋ قويماسىنىڭ تەرەڭ شۇڭقىرلارى, تايىز جانە وتە تەرەڭ جەرلەرى بار. كۋاگەرلەر بالانى قۇتقارماق بولىپ سۋعا سۇڭگىگەن. بىرەۋلەر پوليتسەي سۇڭگىدى دەيدى. الايدا, وكىنىشكە قاراي, بالانى قۇتقارىپ قالا الماعان», دەدى جەدەل قۇتقارۋ جاساعى باستىعىنىڭ ورىنباسارى ۆيكتور شيللەر.