اتىراۋدا بوكستان قازاقستان رەسپۋبليكاسىنىڭ V جاستار سپورتتىق ويىندارىنىڭ جەڭىمپازدارى انىقتالدى, دەپ حابارلايدى Egemen.kz.
جاس بوكسشىلاردىڭ سپورتتىق ويىندارى 17-23 مامىردا ءوتتى. وعان ەلىمىزدىڭ ءار وڭىرىنەن 370 بىلعارى شەبەرلەرى قاتىسىپ, 13 سالماقتا باق سىنادى.
جالپىكوماندالىق ەسەپتە قىزدار اراسىندا ءبىرىنشى ورىندى الماتى قالاسىنىڭ كومانداسى يەلەندى. تۇركىستان وبلىسىنىڭ بوكسشىلارى ەكىنشى, ال, قاراعاندىلىق بىلعارى قولعاپ شەبەرلەرى ءۇشىنشى تۇعىرعا كوتەرىلدى.
ۇلدار اراسىندا شىمكەنت قالاسىنىڭ بوكسشىلارى ۇزدىك اتاندى. جامبىل وبلىسى مەن الماتى قالاسىنىڭ كوماندالارى ەكىنشى جانە ءۇشىنشى ورىنداردى ءبولىستى.
V جاستار سپورتتىق ويىندارىنىڭ جەڭىمپازدارىن وليمپيادا چەمپيوندارى باقتيار ارتاەۆ پەن سپورت جانە دەنە شىنىقتىرۋ ىستەرى كوميتەتىنىڭ توراعاسى سەرىك ساپيەۆ ماراپاتتادى.
«ەلىمىزدىڭ ءار وڭىرىندە بوكستى دامىتۋعا ەرەكشە كوڭىل ءبولىنىپ وتىر. اتىراۋدا دا بوكسقا قىزىعۋشىلىق ورىستەپ تۇر. مۇنى مۇنايلى وڭىردە وتكەن وسى سايىستىڭ جوعارى دەڭگەيدە ۇيىمداستىرىلعانىنان بايقادىق. وسى سايىسقا قاتىسقان جاس بىلعارى قولعاپ شەبەرلەرىنىڭ اراسىنان ءۇمىت كۇتتىرەتىن سپورتشىلار بار», دەدى سەرىك ساپيەۆ.