تاراز قالاسىنداعى ق.رىسقۇلبەكوۆ اتىنداعى ساياباقتا كوپبالالى جانە جالعىزباستى ايەلدەرگە ارنالعان «ۇلت بولاشاعى – انالاردىڭ قولىندا» اتتى شەبەرلىك ساعاتى ۇيىمداستىرىلدى. وعان وڭىردە تۇراتىن بىرقاتار ايەلدەر قاتىستى, دەپ حابارلايدى Egemen.kz.
اتالعان شارا بارىسىندا «ايەل – وتباسىنىڭ ۇيىتقىسى, تىنىشتىقتىڭ شىراقشىسى» تاقىرىبىندا جامبىل وبلىسى ىسكەر ايەلدەر قاۋىمداستىعىنىڭ «ەل اناسى» كەڭەسىنىڭ مۇشەسى, ەڭبەك ارداگەرى كاميلياش احمەتجانوۆا, ء«بىر تىگىن ماشيناسىنىڭ تاريحى» تاقىرىبىندا جەكە كاسىپكەر, «دانا-دەل» تىگىن شەبەرحاناسىنىڭ نەگىزىن قالاۋشى, «شەبەرلىك مەكەنى» جامبىل وبلىسىنىڭ جەڭىل ونەركاسىپ كاسىپورىندارىنىڭ قاۋىمداستىعى» جەكە كاسىپكەرلەردىڭ جانە زاڭدى تۇلعالار بىرلەستىگىنىڭ ءتورايىمى, وتكەن جىلى «التىن ساپا» سىيلىعىنىڭ «حالىق تۇتىناتىن تاۋارلار شىعاراتىن ۇزدىك كاسىپورىن» نوميناتسياسى بويىنشا لاۋرەاتى اتانعان باقىتكۇل توقتىباەۆا, ء«وز-وزىڭە سەنۋ – قيىنشىلىقتاردى شەشۋ جولى» تاقىرىبىندا حالىقارالىق تاراز يننوۆاتسيالىق-گۋمانيتارلىق ينستيتۋتى ترانسفورماتسيا ءوفيسىنىڭ باسشىسى, حالىقارالىق ەريكسون مەكتەبىنىڭ كوۋچى سالتانات تەلەۋوۆا, «وتباسى وشاق قاسىندا ءوز بيزنەسىن دامىتۋ, تابىس تابۋ» تاقىرىبىندا جەكە كاسىپكەر, جامبىل وبلىسى ىسكەر ايەلدەر قاۋىمداستىعىنىڭ جاس كاسىپكەر قاناتىنىڭ جەتەكشىسى ايدانا ۋكيەۆا جانە «بەرەكەلى ايەلدىڭ سىرلارى» تاقىرىبىندا پراكتيك-پسيحولوگ, كوۋچ, ەرلى-زايىپتىلار اراسىنداعى قاتىناستار جانە ادامنىڭ وزىمەن قارىم-قاتىناسى بويىنشا ساراپشى, كوپبالالى انا ايدا ابدىقادىروۆا ءسوز سويلەدى.
ءوزارا اڭگىمە بارىسىندا كوپبالالى ايەلدەردىڭ بويىنداعى قورقىنىش پەن كۇماندى سەيىلتۋ, ولاردىڭ وزىنە دەگەن سەنىمىن قالىپتاستىرۋ, كاسىپ اشۋ بارىسىندا ولاردى مەملەكەتتىك باعدارلامالار ارقىلى قولداۋ جانە باستاعان ىسىندە تەپە-تەڭدىكتى ساقتاۋ ماسەلەلەرى قاراستىرىلدى. الداعى ۋاقىتتا بۇل باعىتتاعى شارالار جالعاسىن تاباتىن بولادى.