كەشە ساعات 8:15 شاماسىندا تەڭىز كەنىشىندەگى ايالدامالاردىڭ بىرىنەن كۇدىك تۋدىرعان سومكە تابىلدى. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى اقپارات تاراتتى, دەپ حابارلايدى Egemen.kz.
«وقيعا ورنىندا قۇقىق قورعاۋ ورگاندارىنىڭ قىزمەتكەرلەرى ءتيىستى الگوريتمگە سايكەس ارەكەت ەتتى. ازاماتتاردىڭ قاۋىپسىزدىگىن قامتاماسىز ەتۋ ماقساتىندا ايماقتى قورشاۋعا الدى. ارناۋلى ماماندار ايالدامادا كۇدىك تۋدىرعان سومكەنى تەكسەردى. سومكەدەن جارىلعىش نەمەسە وزگە دە قاۋىپ توندىرەتىن زاتتار تابىلعان جوق», دەپ حابارلادى دەپارتامەنتتىڭ ءباسپاسوز قىزمەتى.