تەڭىزشەۆرويل – ەڭ تارتىمدى جۇمىس بەرۋشى

اتالعان زەرتتەۋ الەمنىڭ 34 ەلىندە جۇرگىزىلەدى جانە ەڭ تارتىمدى سالالار مەن جۇمىس بەرۋشىلەردى انىقتايدى. بۇل جولى تەڭىزشەۆرويلدان بولەك, مۇناي-گاز سالاسىنداعى ۇزدىك ءۇش كومپانيا­نىڭ قاتارىنا «قازمۇنايگاز» بەن «قاراشىعاناق پەتروليۋم وپەرەيتينگ» ەنگەن ەكەن.

«تەڭىزشەۆرويل» جشس-نىڭ ادامي رەسۋرستاردى باسقارۋ جونىندەگى باس مەنەدجەرى كامشات بايجانوۆانىڭ ايتۋىنشا, كومپانيا وسى جەتىستىگى ارقىلى باسەكەلەستىك ءباسى جوعارى ەڭبەك نارىعىنداعى تەڭدەسىز برەند ەكەنىن مويىنداتتى.

– ۇزدىكتەر كوشىن باستاۋ ەرەكشە جاۋاپكەرشىلىك جۇكتەيدى. سوندىقتان ءبىز ادامي كاپيتالدى دامىتۋعا مەيلىن­شە دەن قويامىز. ءبىز قىزمەتكەرلەر­­دى دامىتۋعا, قاۋىپسىز جۇمىس ورتاسىن قۇرۋعا جانە سالاۋاتتى كورپوراتيۆ­تى مادەنيەتتى ساقتاۋعا ينۆەستيتسيا سالامىز. ويتكەنى تەڭىزشەۆرويل قىزمەتكەرلەرى – كومپانيانىڭ العا قويعان ماقساتتارىنا جەتۋگە جول اشاتىن ەڭ قۇندى كاپيتال ءارى قوزعاۋشى كۇش. ادامي كاپيتالدى ينۆەستيتسيالاۋ – تەڭىزشەۆرويلدىڭ ستراتەگيالىق ماقساتتارىنىڭ ءبىرى, – دەيدى كامشات بايجانوۆا.

ەسكە سالا كەتەيىك, Randstad Employer Brand Research – جۇمىس بەرۋشىلەردىڭ برەندىن زەرتتەۋگە ارنالعان حالىقارا­لىق ساۋالناما. جىلىنا ءبىر مارتە Randstad تاپسىرىسىمەن جۇرگىزىلەدى. ونى جۇرگىزۋ Kantar تاۋەلسىز زەرتتەۋ كومپانياسىنا جۇكتەلگەن. وسىلايشا, ءاربىر ەل بويىنشا جۇمىس بەرۋشىنى تاڭداۋ­دىڭ نەگىزگى ولشەمشارتتار رەيتينگى جاسالادى. بۇدان بولەك, جۇمىس ءۇشىن سالالاردىڭ تارتىمدىلىق رەيتينگى تۇزىلەدى. سونىمەن قاتار جۇمىسشىلار سانى بويىنشا رەسپۋبليكاداعى ەڭ ءىرى جۇمىس بەرۋشىلەردىڭ تارتىمدىلىق رەيتينگى انىقتالادى.

Randstad Employer Brand Research الەمدەگى جان-جاقتى, تاۋەلسىز ءارى تەرەڭ زەرتتەيتىن بەرۋشىلەرگە ارنالعان سا­ۋالناما بولىپ سانالادى. وندا 18-دەن 65 جاسقا دەيىنگى ەڭبەككە قابىلەتتى ادامداردىڭ پىكىرى ەسكەرىلەدى.

زەرتتەۋگە سايكەس, ساۋالناماعا جاۋاپ بەرگەن «تەڭىزشەۆرويل» جشس  قىزمەتكەرلەرى جاقسى جۇمىس بەرۋشىنىڭ كەلەسىدەي ماڭىزدى ولشەم­شارت­تارىنا باسىمدىق بەرىپتى. ماسەلەن, ساۋال­ناماعا قاتىسقانداردىڭ 79 پايىزى كومپانياداعى جالاقىنىڭ جاقسى ەكەنىن العا تارتسا, 72 پايىزى كومپانيانىڭ قار­جىلىق تۇراقتىلىعىن بولە-جارا اتاپ وتكەن. جاۋاپ بەرۋشىلەردىڭ 67 پا­يى­زى مانساپتىق تۇرعىدان وسۋ­گە مۇم­كىندىك بار دەسە, 61 پايىزى تەڭىزشەۆرويلدا قالىپتاسقان جاقسى جۇ­مىس اتموسفەراسىنا نازار اۋدارعان.

– COVID-19 پاندەمياسى كەزىندە قاۋىپسىز جۇمىس ورتاسىن قۇرۋ توپتاردىڭ بارلىعى ءۇشىن جۇمىس بەرۋشىلەردى تاڭداۋداعى ماڭىزى تومەن ولشەمشارت بولىپ شىقتى – 32 پايىز. ال مانساپتىق تۇرعىدان جوعارى ءبىلىمدى قىزمەتكەرلەر ءۇشىن ماڭىزدى ولشەمشارت بولىپ تابىلادى, – دەيدى ANCOR Central Asia كادرلىق حولدينگىنىڭ باس ديرەكتورى ۆالەريا پەترۋنينا.

راسىندا دا, كومپانيا ۇجىمداعى ەڭبەك جانە وندىرىستىك قاتىناستاردى رەتتەۋ, جالپى ەڭبەكاقى تولەۋدىڭ ءتيىمدى جۇيە­سىن قۇرۋ, قىزمەتكەرلەردى دامى­تۋعا مۇمكىندىكتەر بەرۋ ءارى ولاردىڭ الەۋە­تىن اشۋعا كومەكتەسەتىن وقىتۋ, دامى­تۋ باعدارلامالارى ارقىلى قىز­مەت­­كەرلەردى الەۋمەتتىك قورعاۋمەن قام­تا­ماسىز ەتۋگە ەرەكشە باسىمدىق بەرە­دى. سونىمەن قاتار ءارتۇرلى تاعىلىم­دامالار, كادرلىق رەزەرۆتى جوسپارلاۋ, الەۋمەتتىك باعدارلامالاردىڭ كەڭە­يتىلگەن پاكەتىن, كورپوراتيۆتى مادە­نيەتتى ساقتاۋعا باعىتتالعان جەڭىلدىك­­تەر مەن باستامالار ۇسىنادى. قىزمەتكەر­لەر­دىڭ كومپانيانىڭ قۇندىلىقتارى مەن سترا­تەگياسىنا ادال بولۋىنا نازار اۋدارادى.

2020 جىلدىڭ سوڭىندا تەڭىز­شەۆرويل­دىڭ نەگىزگى وندىرىسىندەگى شتات­­تىق قىز­مەتكەرلەردىڭ ۇلەسى 92 پا­يىز­دى قۇرادى. ال كومپانيانىڭ نەگى­زگى وندىرىسىندەگى قازاقستاندىق مە­نەد­­جەر­لەردىڭ ۇلەسى جالپى باسشى­لار توبىنىڭ 85 پايىزىنا تەڭ. تەڭىز­شەۆ­رويلدىڭ 29 قىزمەتكەرى «شەۆرون» كورپوراتسياسىنىڭ ءارتۇرلى بولىم­شە­لەرىنە تاعايىندالعان. جال­پى, كوم­پانيادا 25 ۇلتتىڭ وكىلدەرى جۇ­مىس ىستەيدى. مەديتسينالىق ساقتان­دىرۋ باع­دارلاماسى بويىنشا كومپانيا قىز­مەتكەرلەرى مەن وتباسى مۇشە­لەرى­نىڭ 11 404-ءى ساقتاندىرىلعان. تەڭىز­شەۆرويل 2008 جىلدان باستاپ ءوز قىز­مەتكەرلەرىن وقىتۋ باعدارلا­مالارىنا 81 ملن اقش دوللارىنان استام ينۆەس­تيتسيا جۇمساعان. كومپا­نياداعى ادامي كاپيتالعا قانشالىقتى ءمان بەرىلەتىنىن وسىدان-اق اڭعارۋعا بولادى.

اتاپ وتەرلىگى, تەڭىزشەۆرويلدا جۇمىس ىستەۋ پروتسەسى وزىق تەحنولو­گيا­لارعا سايكەس كەلەدى جانە جۇمىسقا قابىلدانۋ اشىق تۇردە جۇرگىزىلەدى. كومپانيانىڭ سايتىندا بوس جۇمىس ورىندارى تۋرالى اقپارات جاريالانادى. وسىلايشا, اتالعان رەسۋرس ارقىلى الەۋەتتى كانديداتتاردىڭ بارلىعى ءتيىس­تى اقپاراتقا قول جەتكىزە الادى.

كومپانيا تەك تاجىريبەلى ماماندارعا عانا نازار اۋدارماي, سونىمەن قاتار كومپانيانىڭ قاجەتتىلىكتەرىنە قاراي جوعارى وقۋ ورىندارىنىڭ تالانتتى دا تالاپتى تۇلەكتەرىنە دە مۇمكىندىك بەرەدى. تۇپتەپ كەلگەندە وسىنىڭ ءبارى كومپانيانىڭ ەل ىشىندەگى سەنىمىن, بەدەلىن ارتتىرا تۇسەدى.

كومپانيانىڭ قىزمەتكەرلەر ال­دىن­داعى الەۋمەتتىك جاۋاپكەرشىلىگى ۇجىم­دىق شارتتا كورسەتىلگەن. شارتقا قول قويۋ تاجىريبەسى 1996 جىلدان بەرى قول­دانىلىپ كەلەدى. بۇل كوپتەگەن ماسە­لەلەردى ءارى قىزمەتكەرلەردىڭ پىكىرىن ەسكەرۋگە تالقىلاۋعا مۇمكىندىك بەرەدى.

ەسكە سالا كەتەيىك, تەڭىزشەۆرويل – شيكى مۇناي, گاز جانە كۇكىرت وندىرۋ­مەن ءارى وتكىزۋمەن اينالىساتىن قازاق­ستاندىق كومپانيا. مۇنداعى جۇمىستار­دىڭ بارلىعى قاۋىپسىزدىك تەحنيكاسى مەن قور­شاعان ورتانى قورعاۋدىڭ حالىق­ارا­لىق تالاپتارعا ساي جۇرگىزىلۋدە. «تەڭىز­شەۆ­رويل» جشس 1993 جىلى قازاق­ستان رەس­پۋب­ليكاسى مەن «شەۆرون» كومپانياسى اراسىنداعى كەلىسىم نەگىزىندە قۇرىلدى.

تەڭىزشەۆرويلدىڭ قازىرگى ۋاقىت­تاعى نەگىزگى سەرىكتەستەرىنىڭ قاتارىندا «شەۆرون» كورپوراتسياسى (50 پايىز), «قازمۇنايگاز» ۇك» اق (20 پايىز), «ەكسونموبيل قازاقستان ۆەنچۋرس ينك.» (25 پايىز) جانە «لۋكاركو» (5 پايىز) بار.