بۇگىن ۇكىمەت وتىرىسىندا دەنساۋلىق ساقتاۋ ءمينيسترى الەكسەي تسوي قازاقستاندا كوروناۆيرۋس جۇقتىرۋ كورسەتكىشى 20 پايىزعا تومەندەگەنىن مالىمدەدى, دەپ حابارلايدى Egemen.kz.
«قازىرگى ۋاقىتتا ۆيرۋس جۇقتىرعانداردىڭ تومەندەۋىنە قاتىستى وڭ ديناميكا بايقالادى جانە ەپيدەميالىق احۋال بىرتىندەپ تۇراقتالىپ كەلە جاتىر. ماسەلەن, سوڭعى 2 اپتادا وعان دەيىنگى ەكى اپتامەن سالىستىرعاندا ناۋقاستانۋ كورسەتكىشى 20 پايىزعا ازايدى», دەدى مينيستر.
ءمينيستردىڭ ايتۋىنشا, وڭىرلەر شەگىندە 18 مامىرداعى جاعدايعا سايكەس, ينفەكتسيالىق توسەك-ورىنداردىڭ تولىمدىلىعى 36, ال رەانيماتسيالىق توسەك-ورىنداردىڭ تولىمدىلىعى 28 پايىزدى قۇراپ وتىر.
«ينفەكتسيالىق توسەك-ورىنداردىڭ ەڭ جوعارى تولىمدىلىعى نۇر-سۇلتان قالاسىندا – 49, الماتى وبلىسىندا – 45 پايىز, رەانيماتسيالىق توسەك-ورىندار تولىمدىلىعى نۇر-سۇلتان قالاسىندا – 52, الماتى قالاسىندا – 47 پايىزدى قۇرايدى», دەدى دەنساۋلىق ساقتاۋ ءمينيسترى.