اتىراۋداعى جاسوسپىرىمدەر ءۇيىنىڭ قۇرىلىسىنا كاسپي قۇبىر كونسورتسيۋمى 241 ملن تەڭگە جۇمسادى, دەپ حابارلايدى Egemen.kz.
كونسورتسيۋمنىڭ باس ديرەكتورى نيكولاي گورباننىڭ ايتۋىنشا, بىلتىر اتىراۋ وبلىسىنداعى قايىرىمدىلىق جوبالارىن ىسكە اسىرۋعا 3 ملن دوللار باعىتتالىپتى. ال, سوڭعى بەس جىلدا ءوڭىردىڭ الەۋمەتتىك ينفراقۇرىلىمىن دامىتۋعا شامامەن 10 ملن اقش دوللارى بولىنگەن ەكەن.
اتىراۋ قالاسىنىڭ اكىمى قايرات ورازباەۆتىڭ ءمالىم ەتۋىنشە, جاڭا عيمارات وتكەن عاسىردىڭ 60-جىلدارىنداعى نىساننىڭ ورنىنان بوي كوتەردى. نىسان 25 تاربيەلەنۋشىگە ارنالىپتى. جوباعا سايكەس ءبىرىنشى قاباتتا ءاسۇي, كىر جۋاتىن, دەمالىس بولمەلەرى, كونفەرەنتس-زال بار. سپورت زالى كوپفۋنكتسيالى بىرنەشە سپورتتىق قۇرال-جابدىقپەن قامتىلعان. ەكىنشى قاباتتاعى جاتىن بولمەلەر ءتۇرلى جيھازبەن جابدىقتالعان.
جاسوسپىرىمدەر ءۇيى بالالار اۋىلدارىنىڭ تاربيەلەنۋشىلەرى مەن بالالار ۇيلەرىنىڭ, جەتىم جانە اتا-اناسىنىڭ قامقورلىعىنسىز قالعان بالالارعا ارنالعان مەكتەپ-ينتەرناتتاردىڭ تۇلەكتەرىن الەۋمەتتىك بەيىمدەۋ ءۇشىن اشىلىپ وتىر. مۇندا 16-23 جاس ارالىعىنداعى جاسوسپىرىمدەر مەن جاستار تۇرادى. ولار كەيىن جەرگىلىكتى اكىمدىك بەرەتىن پاتەرلەرگە كوشەدى.