ەلوردادا 4 جاسار بالا تۇرعىن ءۇي كەشەندەرىنىڭ بىرىندە ونىنشى قاباتتىڭ تەرەزەسىنەن قۇلاپ كەتتى, دەپ حابارلايدى Egemen.kz
«بۇگىن 17.23-تە كوز الدىمدا ءبىر بالا قازا بولدى. ول 10-قاباتتان قۇلادى, 3-4 جاستا. بارلىق قىزمەتكە قوڭىراۋ شالدىم, بىراق بالا سول جەردە قايتىس بولدى. اتا-انالار تەرەزەلەردى قاشان جاۋىپ جۇرەدى؟», دەپ جازدى Facebook قولدانۋشىسى.
بۇل اقپاراتتى ەلوردالىق پد راستادى.
«14 مامىردا ساعات 17.39-دا «102» جەلىسىنە تۇرعىن ءۇي كەشەندەرىنىڭ بىرىندە 2016 جىلى تۋعان بالا 10-قاباتتىڭ تەرەزەسىنەن قۇلاپ كەتتى دەگەن حابار ءتۇستى. بالا العان جاراقاتتارىنان سول جەردە قايتىس بولدى», دەدى پوليتسياداعىلار.
ەسكە سالا كەتەيىك, ءدال وسىنداي جاعداي 14 مامىردا كوكشەتاۋدا بولعان ەدى. كوپپاتەرلى ءۇيدىڭ 7-قاباتىنداعى اشىق تەرەزەدەن ەكى جاسار قىز قۇلاپ, قايتىس بولدى.