ەكىباستۇزدا پوليتسەيلەر ەر ادامنان 11 بۋما ەسىرتكى تاركىلەدى, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ مالىمەتىنشە, وتكىزىلگەن ءىس-شارالار ناتيجەسىندە ەسىرتكى زاتتارىن ساتتى دەگەن كۇدىكپەن بۇرىن بىرنەشە رەت سوتتالعان 45 جاستاعى وبلىس تۇرعىنى ۇستالعان.
ء«ىس-شارا بارىسىندا وسىمدىك تەكتەس سۇر-جاسىل زاتى بار 11 قاعاز بۋماسى تابىلىپ, تاركىلەندى. ساراپتاما قورىتىندىسىنا سايكەس كەپتىرىلگەن ماريحۋانا ەسىرتكى زاتى ەكەنى انىقتالدى. كۇدىكتى ەكىباستۇز قالاسىنىڭ ۋاقىتشا ۇستاۋ يزولياتورىنا قامالدى», دەدى ەكىباستۇز قالالىق پوليتسيا باسقارماسىنىڭ باسشىسى ۆاسيلي سكليار.
پوليتسيا اتالعان فاكتى بويىنشا قر قك 297-بابى ەسىرتكى جانە پسيحوتروپتىق زاتتاردى, ولاردىڭ انالوگتارىن وتكىزۋ ماقساتىندا زاڭسىز دايىنداۋ, قايتا وڭدەۋ, ساتىپ الۋ, ساقتاۋ, تاسىمالداۋ, جونەلتۋ نەمەسە وتكىزۋ بويىنشا سوتقا دەيىنگى تەرگەۋ جۇرگىزۋدە.
ايتا كەتەيىك, جىل باسىنان باستاپ ەكىباستۇز قالاسىنىڭ پوليتسەيلەرى زاڭسىز اينالىمنان 29 كەلىدەن استام ەسىرتكى زاتتارىن تاركىلەگەن.