ەلباسى نۇرسۇلتان نازارباەۆ تۇركىستانعا ساپارى بارىسىندا بىرقاتار نىسانداردىڭ اشىلۋىنا قاتىستى. ناقتىراق ايتساق, تۇڭعىش پرەزيدەنتتىڭ كيەلى شاھارعا ساپارى قازاق حاندارىنا ارنالعان مەموريالدىق كەشەننىڭ اشىلۋىمەن باستالدى, دەپ حابارلايدى. Egemen.kz.
كەشەندە يىلگەن 21 قانات تۇركىستاندا جەرلەنگەن 21 حاندى بىلدىرەدى. ەسىم حاننان اليكەن حانعا دەيىنگى بابالارىمىزدىڭ ەسىمدەرى مەن باسقارعان جىلدارى دا جازىلعان. سونداي-اق وسىندا ەلباسى « ۇلى دالا بىرلىگى» اتتى كاپسۋلانى سالدى. ونىڭ ىشىندە ەلىمىزدىڭ تۇكپىر-تۇكپىرىندەگى قاسيەتتى جەرلەردىڭ توپىراعى جينالعان. جوبالاۋ قۇنى 1,9 ملرد تەڭگە بولاتىن مەموريالدىق كەشەننىڭ جالپى اۋدانى 0,85 گەكتاردى قۇرايدى. جاڭا نىساننىڭ بارالەفىندە قازاق بيلەرىنىڭ, قازاق دانالارىنىڭ كوركەمسوزدەرى قاشالعان. شەڭبەر تارىزدەس سالىنعان پيلوندارداعى گرانيتتىك تاقتايشالارعا قازاق دالاسىن باسقارعان 21 حاننىڭ ەسىمدەرىمەن قاتار ولاردىڭ بيلىك جۇرگىزگەن جىلدارى دا جازىلعان. كونە عاسىر مەن جاڭا ءداۋىردى ساباقتاستىرا تۇسكەن شاھاردا ۇيلەسىمدى ۇلگىمەن سالىنعان جاڭا عيماراتتار پايدالانىلۋعا بەرىلدى.
سونداي-اق ەلباسى نۇرسۇلتان نازارباەۆ «ەتنو-اۋىل» كەشەنىنىڭ اشىلۋىنا قاتىستى. «ەتنو-اۋىل» كەشەنى قازاق دالاسىنىڭ XVIII-XIX عاسىرداعى ءومىرىن بەينەلەيتىن جوبا سانالادى. «ازىرەت سۇلتان» مادەني قورىعىنىڭ بۋفەرلىك ايماعى مەن احمەت ياساۋي كەسەنەسىنىڭ بەكىنىس قابىرعاسى, ەتنوگرافيالىق مۇراجايدىڭ ورتاسىندا ورىن تەپكەن. ينتەراكتيۆتى ەتنواۋىلدىڭ اۋدانى 16 مىڭ شارشى مەتردى قۇرايدى. كەسەنەگە كەلۋشىلەر قازاق حالقىنىڭ باي مادەنيەتىمەن تانىسىپ, ءتىپتى كونە زاتتاردى قولدارىمەن ۇستاي الادى. كوشپەندىلەر وركەنيەتىنەن كورىنىس بەرەتىن ەتنو-اۋىلدىڭ ايماعىندا قازاق دالاسىنداعى تۇتاس ءبىر ءداۋىر بەينەلەنگەن.
تۇركىستان وبلىسى