قازاقستاننىڭ تۇڭعىش پرەزيدەنتى نۇرسۇلتان نازارباەۆ رەسەي فەدەراتسياسىنىڭ باسشىسى ۆلاديمير پۋتينگە جەدەلحات جولدادى. ول تاتارستان استاناسى قازان قالاسىندا مەكتەپكە جاسالعان شابۋىل كەزىندە بالالار مەن ەرەسەكتەردىڭ قايعىلى قازاعا ۇشىراۋىنا بايلانىستى كوڭىل ايتتى, دەپ حابارلايدى Egemen.kz.
«قازان قالاسىنداعى №175 مەكتەپتە بولعان قايعىلى وقيعا سالدارىنان بالالار مەن ەرەسەكتەردىڭ قازا تاپقانى تۋرالى حاباردى زور كۇيزەلىسپەن قابىلدادىم. قايعىعا ورتاقتاسىپ, قازا بولعانداردىڭ تۋىستارى مەن جاقىندارىنا كوڭىل ايتامىن. زارداپ شەككەندەردىڭ تەزىرەك ساۋىعىپ كەتۋىن تىلەيمىن», دەلىنگەن جەدەلحاتتا.
بۇگىن تاتارستان استاناسى قازان قالاسىنداعى №175 مەكتەپكە قارۋ اسىنعان ەكى ادام كىرىپ, وقۋشىلار مەن مۇعالىمدەرگە وق جاۋدىرعان.
سوڭعى مالىمەتتەر بويىنشا, اتىس سالدارىنان 11 ادام قازا تاۋىپ, زارداپ شەككەن 16 ادام اۋرۋحاناعا جەتكىزىلگەن.