«قتج-جۇك تاسىمالى» جشس قازاقستان مەن قحر اراسىندا ەكسپورتتىق جانە يمپورتتىق جۇكتەردى تاسىمالداۋدىڭ بەسجىلدىق جوسپارىن ازىرلەدى. بۇل قۇجات تاسىمالداۋدىڭ ناقتى كورىنىسىن كورسەتەدى جانە جۇك اينالىمىنىڭ جىل سايىنعى ءوسۋىن بولجايدى. تاسىمالداۋ جوسپارى قازاقستاندىق-قىتايلىق ارالاس كوميسسياسىنىڭ وتىرىسىندا تالقىلانىپ, كەلىسىلەدى دەپ كۇتىلۋدە.
«بەسجىلدىق قۇجات نەگىزىندە دوستىق – الاشاڭقاي تەمىر جول ۋچاسكەسىن ينفراقۇرىلىمدىق دامىتۋ بويىنشا تەحنيكالىق جوسپار قالىپتاستىرىلاتىن بولادى. بۇل ونىڭ وتكىزۋ جانە تاسىمالداۋ قابىلەتىن ارتتىرۋعا, جۇك پويىزدارىن اۋىستىرۋ پروتسەسىن جەدەلدەتۋگە جانە قوزعالىس قاۋىپسىزدىگىن ارتتىرۋعا مۇمكىندىك بەرەدى», دەدى «قتج-جۇك تاسىمالى» جشس باس ديرەكتورىنىڭ ءبىرىنشى ورىنباسارى قانات كوبەسوۆ.
«قازاقستان تەمىر جولى» ۇك» اق ءباسپاسوز قىزمەتىنىڭ حابارلاۋىنشا, قىتاي تاراپى سونداي-اق حالىقارالىق قازاقستاندىق-قىتايلىق تەمىر جول شەكارا وتكەلىنىڭ جول ۋچاسكەسىنە اۋقىمدى جاڭعىرتۋ جۇرگىزۋدى جوسپارلاپ وتىر.