نورۆەگيالىق سۋرەتشى قازاقستاندىق ارداگەرلەردى ىزدەستىرىپ جاتىر

ۆەبيورن ساند – «راۋشانگۇل سارايى» («Rose Castle») اتتى ءىرى ونەر-اعارتۋ جوباسىنىڭ جەتەكشىسى. كەشەن 2020 جىلى نورۆەگياعا ناتسيستىك شابۋىلدىڭ 80 جىلدىعىنا جانە ەلدىڭ تولىق ازات ەتىلۋىنىڭ 75 جىلدىعىنا وراي وسلودا اشىلدى.

جوبا ەكى نەگىزگى تاقىرىپقا ارنالعان: نورۆەگيانىڭ جاۋلاپ الىنۋى جانە نورۆەگ قوعامىنىڭ قۇندىلىقتارى – دەموكراتيا, گۋمانيزم جانە قۇقىقتىق مەملەكەت. كەشەندە 100-دەن استام سۇرەت پەن ينستاللياتسيالار قويىلعان. سۋرەتشىنىڭ ارداگەرلەرمەن جەكە اڭگىمەلەرىنە نەگىزدەلگەن «تاريح جۇزدەرى» پورترەتتەر توپتاماسى ەرەكشە ورىنعا يە.

سۋرەتشى نورۆەگيانى جانە شەتەلدەردى ارالاپ, قارسىلاسۋ قوزعالىسىنىڭ مۇشەلەرىمەن, فاشيستىك رەجيممەن كۇرەسكەن ساربازدارمەن, 1940–45 جىلدارداعى نورۆەگياداعى سوعىستىڭ كۋاگەرلەرىمەن جانە قۇرباندارىمەن كەزدەستى.

«راۋشانگۇل سارايى» ارت-جوباسى 1944 جىلدىڭ كۇزىندە نورۆەگيانىڭ سولتۇستىگىن ازات ەتۋگە قاتىسقان قازاقستان جاۋىنگەرلەرىنە جانە ەكىنشى دۇنيەجۇزىلىك سوعىس كەزىندە نورۆەگيادا تۇتقىندا بولعاندارعا قۇرمەتى مەن ريزاشىلىعىن بىلدىرەدى. ءبىز سىزدەردىڭ باستان كەشكەندەرىڭىزدى نورۆەگيا حالقىنا تانىمال بولعانىن قالايمىز», دەيدى ۆ.ساند.

سۋرەتشى كەڭەس اسكەرىنىڭ قازاقستاندىق ارداگەرلەرىمەن جەكە سۇحباتتاسىپ, ولاردى «تاريح جۇزدەرى» ەكسپوزيتسياسىنا قوسقىسى كەلەدى. پاندەمياعا بايلانىستى ۆ. ساند قازاقستانعا كەلە المايدى, الايدا ونلاين رەجيمىندە بايلانىسا الادى.

سۇحبات كەزىندە تۇسىرىلگەن فوتوسۋرەتتەر مەن ەسكيزدەر نەگىزىندە سۋرەتشى پورترەت سالىپ, ونى وسلوداعى «راۋشانگۇل سارايىندا» ورنالاستىرادى. قازاقستاننىڭ وسلوداعى ەلشىلىگى جۇرتشىلىقتى وسى جوبانى قولداپ, نورۆەگيادا بولعان قازاقستاندىق ارداگەرلەردى ىزدەۋگە كومەكتەسۋدى وتىنەدى.

جوبا ساربازدارىمىزدىڭ ەرلىگىن ماڭگىلىككە ساقتاپ, ەكى ەل اراسىنداعى گۋمانيتارلىق بايلانىستى نىعايتادى.

ارداگەرلەردىڭ سۋرەتشىمەن كەزدەسۋىن ۇيىمداستىرۋ ءۇشىن كەلەسى ادرەستەرگەن بايلانىسقان ءجون: قازاقستاننىڭ نورۆەگياداعى ەلشىلىگى: oslo@mfa.kz, KazakhstanNorway@gmail.com, +47 22420643; قازاقستان رەسپۋبليكاسى سىرتقى ىستەر مينيسترلىگىنىڭ حالىقارالىق اقپارات كوميتەتى: kmi@mfa.kz, +7 7172 720685.

سۇرەتتەردى ۇسىنعان The Norwegian art project The Rose Castle. 1944 جىلدىڭ كۇزىندە پەتسامو-كيركەنەس وپەراتسياسىنا 130 مىڭنان استام كەڭەس جاۋىنگەرلەرى قاتىستى, ناتيجەسىندە ۆەرماحت اسكەرلەرى كەڭەستىك اركتيكادان, فينليانديانىڭ سولتۇستىگىنەن جانە نورۆەگيانىڭ سولتۇستىگىنەن ىعىستىرىلدى.

وپەراتسياعا قاتىسقان قازاقستاندىقتاردىڭ سانى تۋرالى ناقتى مالىمەت جوق, بىراق ەلشىلىك قازا بولعان 65 قازاقستاندىقتىڭ ەسىمدەرىن انىقتادى.

سونىمەن قاتار ەكىنشى دۇنيەجۇزىلىك سوعىس كەزىندە باسىپ الىنعان نورۆەگياداعى كونتسلاگەرلەردە 100 مىڭعا جۋىق كەڭەس اسكەري تۇتقىنى بولعان. نورۆەگياداعى اسكەري قابىرلەر تۋرالى مالىمەتتەر بازاسىن تسيفرلاندىرۋ تاياۋ جىلدارى عانا باستالدى.