حالىقارالىق تۇركى اكادەمياسىنىڭ پرەزيدەنتى دارحان قىدىرالى قىرعىزستاننىڭ باتكەن وبلىسىنداعى احۋالعا بايلانىستى كوڭىل ايتتى, دەپ حابارلايدى Egemen.kz اكادەميانىڭ ءباسپاسوز قىزمەتىنە سىلتەمە جاساپ.
«باۋىرلاس قىرعىز ەلىنىڭ باتكەن وبلىسىندا بولعان قايعىلى جاعدايعا ءبىزدىڭ دە قابىرعامىز قايىستى. قاسيەتتى ورازا ايىندا وق اتىلىپ, بەيبىت ازاماتتار اجال قۇشتى, كوپتەگەن جازىقسىز جاندار جارالاندى. وسىعان وراي, قىرعىز رەسپۋبليكاسى پرەزيدەنتىنىڭ جارلىعىمەن 1-2 مامىر ازا تۇتۋ كۇنى دەپ جاريالاندى.وپات بولعانداردى اللا پاناسىنا السىن, ولاردىڭ وتباسىلارىنا كوڭىل ايتامىز. جارالىلاردىڭ تەز ساۋىعىپ كەتۋىن تىلەيمىز.مۇنداي قايعىلى جاعداي ەندى قايتالانبايدى دەپ سەنەمىز.بىرتۋعان قىرعىز ەلىمەن بىرگەمىز!», دەلىنگەن كوڭىل ايتۋ حابارلاماسىندا.