قازاقستاندىق تەننيسشىلەر ياروسلاۆا شۆەدوۆا مەن يۋليا پۋتينتسەۆا مادريد WTA 1000 تۋرنيرىندە ۇتىلىپ قالدى, دەپ حابارلايدى Egemen.kz.
رەيتينگتە 30-ساتىداعى يۋ.پۋتينتسەۆا الەمنىڭ 18-ءىنشى, وسى دودانىڭ 15-راكەتكاسى, ۇلىبريتانيالىق يوحاننا كونتادان ايلاسىن اسىرا المادى – 4:6, 2:6. باسەكە ءبىر ساعات وتىز مينۋت ۋاقىتقا سوزىلدى. ال دۇنيەجۇزىلىك رەيتينگتە 725-ورىندا تۇرعان قازاقستان ايەلدەر قۇراماسىنىڭ كاپيتانى يا.شۆەدوۆا الەمنىڭ 25-راكەتكاسى, تۋنيس وكىلى ونس جابەرمەن كەزدەستى. ءبىر ساعات 15 مينۋتقا سوزىلعان ماتچتا تۋنيستىك تەننيسشى 6:2, 6:3 ەسەبىمەن جەڭىسكە جەتتى.وسىلايشا جۇلدە قورى 2,5 ملن ەۋرودان اساتىن مادريد جارىسى قازاقستاندىقتار ءۇشىن ءساتسىز باستالدى.
ەندىگى بار ءۇمىت قازاقستاننىڭ ءبىرىنشى, الەمنىڭ 22-راكەتكاسى ەلەنا رىباكينادا. ول ەرتەڭ نەگىزگى تۋرنيرگە ىرىكتەۋ سايىستارىنان كەيىن قوسىلعان, رەيتينگتە 78-ورىنداعى اۋستراليالىق ايلا تومليانوۆيچپەن كورتقا شىعادى.