ەر-ازاماتتارعا ەڭ تارتىمدى سىيلىقتار

AliExpress-ءتىڭ ماركەتپلەيس ستاتيستيكاسىنا سۇيەنسەك, قازاقستاندىقتار ءۇشىن ەڭ تانىمال سىيلىقتار كيىم تۇرلەرى بولماق. ايتالىق, ناۋرىز ايىنىڭ باسىنان ءساۋىر ايىنىڭ ورتاسىنا دەيىن سپورت جانە كەجۋال تاۋارلاردىڭ ساتىلىمى – 2,8, كەپكا, بەيسبولكا جانە وزگە دە باس كيىم تۇرلەرىنىڭ ساتىلىمى – 2,5, شارفتار مەن قولعاپتاردىڭ ساتىلىمى – 2,2, حۋدي, سۆيتشوت پەن فۋتبولكالار ساتىلىمى 2 ەسەگە وسكەن.

الىستان باسقارىلاتىن ويىن­شىقتار مەن گادجەتتەر دە قازاقستان­دىقتار اراسىندا ەڭ تارتىمدى سىيلىق تۇرىنە اينالعان. وعان سۇرانىس وتكەن جىلمەن سالىستىرعاندا 2,5 ەسەگە وسكەن. بۇل ساناتتا ەڭ تانىمال تاۋار­لارعا باعاسى 30 مىڭ مەن 400 مىڭ تەڭگە ارالىعىندا بولاتىن درونداردى جاتقىزۋعا بولادى. پلاتفورمادا جوعارى سۇرانىسقا بالىق اۋلاۋعا ارنالعان تاۋارلار دا يە بولدى. ونىڭ ىشىندە الىستان باسقارىلاتىن جەمگە ارنالعان قايىق, بالىق تازالايتىن ەلەكترلى پىشاقتار, سپينينگتەر مەن قارماققا بەكىتىلەتىن تەمىرشەلەرگە سۇرانىس وتكەن جىلمەن سالىستىرعاندا 1,5 ەسەگە وسكەن. 

وتان قورعاۋشىلار كۇنىنە ارنالعان ءداستۇرلى سىيلىقتار دا نازاردان تىس قالمادى: پلاتفورمادان باعاسى 1 مىڭ مەن 15 مىڭ تەڭگە ارالىعىنداعى ءاميان, بەلدىكتەر, جەڭىلگەكتەر, كۇننەن قورعايتىن كوزىلدىرىكتەر جانە وزگە دە اشەكەيلەر, قىرىنۋعا ارنالعان قۇرالدار جانە باعاسى 2 500-دەن 25 مىڭ تەڭگەگە دەيىنگى جەكە گيگيەناعا ارنالعان قۇرالدار ساتىپ الىنعان. ال مەيرام قارساڭىنداعى ەڭ قىمباتقا ساتىپ الىنعان تاۋار – باعاسى 860 مىڭ تەڭگە تۇراتىن باربەكيۋ پىسى­رۋگە ارنالعان ينفراقىزىلدى گاز جانارعىلار جيناعى. مەيرام الدىن­داعى ەڭ قىمبات تاۋارلار قاتارىنا باعاسى 415 مىڭ تەڭگە بولاتىن انتي­گراۆيتاتسيالىق اسەرى بار ماسساج ورىندىعى دا كىردى.