نۇرسۇلتان نازارباەۆ قحا-نىڭ XXIX ونلاين-سەسسياسىندا ەلدەگى تۇراقتىلىق حاقىندا ءسوز قوزعادى, دەپ حابارلايدى Egemen.kz.
- وسى جىلدار ىشىندە مەن ارقاشان حالىقتىڭ بىرلىگىن, بەرەكە-بىرلىكتى, قاۋىپسىزدىكتى, تۇراقتىلىق پەن تىنىشتىقتى ءبىرىنشى ورىنعا قويدىم. كەيبىر وپپوزيتسيا وكىلدەرى: «ول ۇنەمى تۇراقتىلىق, تىنىشتىق تۋرالى ايتا بەرەدى» دەگەنىن ەستىدىم. تۇراقسىزدىق دەگەننىڭ نەسى جاقسى؟ بىز تۇراقسىزدىقتىڭ قانداي بولىپ جاتقانىن كورىپ وتىرمىز. رەۆوليۋتسيادان-رەۆوليۋتسياعا, سوعىستان-سوعىسقا جۇگىرگەن ەل دامىمايدى, ونداي ەل بارىنەن ارتتا قالادى, - دەدى نۇرسۇلتان ءابىش ۇلى.
سونداي-اق ول ەلدەگى تۇراقتىلىق پەن تىنىشتىق حالىقتىڭ وزىنە بايلانىستى ەكەنىن ەسكە سالدى.
- مەن ەلىمىزدىڭ بەيبىتشىلىكتىڭ ەپيتسەنترى بولعانىن قالايمىن. سوعىس زارداپتارى, ۇلتارالىق قانتوگىستەردىڭ, ءدىني قاقتىعىستاردىڭ ەشقاشان بولماعانىن قالايمىن. وسى ورايدا, بۇگىنگى تاڭدا مەنىڭ ارمانىم ورىندالدى دەپ ايتا الامىن, - دەدى قازاقستاننىڭ تۇڭعىش پرەزيدەنتى.