اتىراۋ وبلىسىندا ءتورت ايلىق بالانى اناسى پىشاقتاپ ولتىرگەن, دەپ حابارلايدى Egemen.kz «اق جايىق» باسىلىمىنا سىلتەمە جاساپ
ءساۋىردىڭ 26-سى كۇنى اتىراۋ وبلىسى, قۇرمانعازى اۋدانىنىڭ كوپتوعاي كەنتىندە وقىس وقيعا ورىن الدى. 41 جاستاعى ايەل ءتورت ايلىق بالاسىن پىشاقتاپ ولتىرگەن. «اق جايىق» باسىلىمىنىڭ حابارلاۋىنشا, بالاسى جىلاۋىن توقتاتپاعان سوڭ اناسى اس ءۇي پىشاعىن الىپ, جورگەكتەگى بالاسىنىڭ بىرنەشە جەرىنە سۇعىپ الادى.
اتىراۋ وبلىستىق پوليتسيا دەپارتامەنتىنىڭ باسشىسى قامزا ۇمبەتقاليەۆ كۇدىكتىنىڭ ۇستالعانىن, اتالعان فاكت بويىنشا سوتقا دەيىنگى تەرگەۋ امالدارى باستالعانىن حابارلادى.