سەنات توراعاسى ماۋلەن اشىمباەۆ وزىنەن كوروناۆيرۋس ىندەتى انىقتالعانىن مالىمدەدى, دەپ حابارلايدى Egemen.kz.
«بارىنشا ساقتانىپ جۇرگەنىمە قاراماستان, سوڭعى سىناما ناتيجەسىندە كوروناۆيرۋس ىندەتىن جۇقتىرعانىم انىقتالىپ وتىر. بىراق بويىمدا اۋرۋدىڭ ەشقانداي بەلگىلەرى جوق. ايتسە دە وقشاۋلانىپ, مامانداردىڭ بارلىق تالاپتارىن قاتاڭ ساقتاۋدامىن. سوعان بايلانىستى جۇمىستى دا قاشىقتان جالعاستىرامىن», دەپ جازدى م. اشىمباەۆ Facebook-تە.
سەنات سپيكەرى اتاپ وتكەندەي, پاندەميانىڭ ەكپىنى ءالى باسەڭدەگەن جوق.
«سوندىقتان ارقانى كەڭگە سالىپ, ساقتىق شارالارىنا بەيجاي قاراۋعا بولمايدى. بۇل, ەڭ الدىمەن, ءوزىمىز جانە تۋعان-تۋىستارىمىز ءۇشىن اسا ماڭىزدى. ەندەشە ىندەتتىڭ الدىن الۋعا باسا ءمان بەرەيىك», دەدى ول.