ششۋچينسك قالاسىندا قازاقستان قارۋلى كۇشتەرى قۇرلىق اسكەرلەرىنىڭ روتا, باتارەيا سەرجانتتارى شوقان ءۋاليحانوۆ اتىنداعى اسكەري كوللەدجدە بىلىكتىلىكتى ارتتىرۋ كۋرستارىنان ءوتىپ جاتىر, دەپ حابارلايدى Egemen.kz قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.
بۇل كۋرستىق دايارلىق ءبىلىمدى, داعدىلاردى جانە كىشى كوماندالىق قۇرامنىڭ كومانديرلىك قاسيەتتەرىن جەتىلدىرۋ ماقساتىندا وتكىزىلەتىن ءىس-شارالار كەشەنى.
وقۋدى ۇيىمداستىرۋ بارىسىندا ورىندايتىن لاۋازىمدىق مىندەتتەردەن ءبىر ساتى جوعارى لاۋازىمدى اتقارۋ ءۇشىن قاجەتتى داعدىلاردى دامىتىپ ءارى بەكىتۋگە, باعىنىستى جەكە قۇراممەن ساباقتار وتكىزۋ كەزىندە ادىستەمەلىك شەبەرلىكتى ارتتىرۋعا ەرەكشە كوڭىل بولىنەدى.
– وقۋ تامامداعاننان كەيىن تىڭداۋشىلارعا وقۋ پاندەرىنەن سىناقتار مەن ەمتيحاندار كەشەنىن تاپسىرۋى قاجەت. ءار سەرجانت تەوريا مەن پراكتيكالىق جاعىنان باعالاناتىن بولادى. ەمتيحاندى ۇزدىك تاپسىرعاندارعا سەرتيفيكاتتار بەرىلەدى, – دەدى اسكەري كوللەدج باستىعىنىڭ وقۋ ءبولىمى بويىنشا ورىنباسارى پودپولكوۆنيك رومان حولود.
ونىڭ ايتۋىنشا سەرجانتتى جوعارى لاۋازىمعا تاعايىنداۋ بارىسىندا جەكە دايىندىق دەڭگەيىنىڭ كورسەتكىشتەرى مىندەتتى تۇردە ەسكەرىلەدى.
بىلىكتىلىكتى ارتتىرۋ كۋرستارىنا «وڭتۇستىك», «شىعىس», «باتىس», «استانا» ءتورت وڭىرلىك قولباسشىلىقتان, سونداي-اق زىمىران اسكەرلەرى مەن ارتيللەريا جانە دەسانتتىق شابۋىلداۋ اسكەرلەرىنەن بارلىعى 40-قا جۋىق سەرجانت قاتىستى. اتالعان وقۋ وسى جىلدىڭ 29 ساۋىرىنە دەيىن جالعاسادى.