بۇگىننەن باستاپ قازاقستاندا QazVac ەكپەسىمەن ۆاكتسينالاۋ باستالدى. دەنساۋلىق ساقتاۋ ءمينيسترى الەكسەي تسوي العاشقىلاردىڭ ءبىرى بولىپ تىكەلەي ەفيردە وتاندىق ۆاكتسينا سالدىردى, دەپ حابارلايدى Egemen.kz.
دەنساۋلىق ساقتاۋ مينيسترلىگىنىڭ باسشىسى ۆاكتسينانى العاننان كەيىن 30 مينۋت دارىگەرلەردىڭ باقىلاۋىندا بولدى. ول ەكىنشى دوزانى 21 كۇننەن كەيىن, 16 مامىردا الادى.
ەستەرىڭىزگە سالا كەتەيىك, ۆاكتسينا قازاقستاننىڭ بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ بازاسىندا جاسالدى. وتاندىق ۆاكتسينانىڭ العاشقى 50 مىڭ دوزاسى وڭىرلەرگە جونەلتىلدى.