بيلىك وكىلىن قورلاعان اقمولالىق قوعامدىق جۇمىسقا تارتىلدى, دەپ حابارلايدى Egemen.kz Polisia.kz.
اقمولا وبلىسى بويىنشا قاجد جاقسى اۋدانىنىڭ پروباتسيا قىزمەتىنىڭ ەسەپتە تۇرعاندارىنىڭ ءبىرى قر قك 378-بابى 1-بولىگى (بيلىك وكىلىن قورلاۋ) بويىنشا قوعامدىق جۇمىستاردىڭ 80 ساعاتىنا سوتتالعان.
پوليتسيا بولىمىنە جاقسى اۋىلىنىڭ تۇرعىنىنان بەلگىسىز بىرەۋلەر ونىڭ پاتەرىنە باسىپ كىرۋگە تىرىسقانى تۋرالى تەلەفون حابارلاماسى كەلىپ تۇسكەن. شاقىرۋعا كەلگەن جەدەل توپ ءبىر-بىرىمەن جانجالداسىپ جاتقان ەكى جىگىتتى وقيعا ورنىندا كورەدى. اۋداندىق پوليتسيا بولىمىندەگى جاعدايدى تالقىلاۋ بارىسىندا, ولاردىڭ ءبىرى ماس كۇيدە پوليتسيا قىزمەتكەرىنە ءتىل تيگىزە باستاعان. توقتاتۋعا ىقپال جاساعان پوليتسەيدىڭ دە ءسوزىن ەلەمەگەن. سول سەبەپتى ەر ادام قوعامدىق جۇمىسقا تارتىلعان.
ەستەرىڭىزگە سالا كەتەيىك, اعىمداعى جىلدىڭ باسىنان اقمولا وبلىسى پروباتسيا قىزمەتىنىڭ ەسەبى بويىنشا 54 ادام قوعامدىق جۇمىسقا جانە 503 ادام ءماجبۇرلى ەڭبەككە تارتىلعان.
قازىرگى ۋاقىتتا اقمولا وبلىسىنىڭ قالالارى مەن اۋىلدارىن كوركەيتەتىن جانە قوعامعا پايدا اكەلەتىن جەرگىلىكتى اتقارۋشى ورگانداردىڭ قاۋلىسىمەن انىقتالعان وبەكتىلەردە 22 قوعامدىق جۇمىسقا سوتتالعان جانە 416 ءماجبۇرلى ەڭبەككە تارتىلعاندار جازاسىن وتەپ ءجۇر.