بۇل تۋرالى بۇگىن كوروناۆيرۋسقا قارسى شتابتىڭ وتىرىسىندا شىعىس قازاقستان وبلىسى اكىمىنىڭ ورىنباسارى شاكارىم بۇقتىعىتوۆ مالىمدەدى, دەپ حابارلايدى Egemen.kz.
– كەشە قىزىل ايماققا وسكەمەن, سەمەي, اياگوز كىردى. شقو باس سانيتاريالىق دارىگەرى 22 ساۋىردەن باستاپ وسى قالالاردا كارانتيندىك رەجيمدى كۇشەيتۋ تۋرالى قاۋلىنى رەسپۋبليكامەن كەلىسۋى كەرەك, – دەدى وبلىس اكىمىنىڭ ورىنباسارى.
سونداي-اق وبلىس اكىمىنىڭ ورىنباسارى «مەن كارانتيندەمىن» قوسىمشاسىن قايتا قولدانۋدى ۇسىندى.
ايتا كەتەرلىگى, وسكەمەندە سەگىز مەكتەپ كارانتينگە جابىلدى
سانيتارلىق-ەپيدەميولوگيالىق باقىلاۋ دەپارتامەنتىنىڭ ارنايى قاۋلىسىمەن №2, 4, 7, 11, 37, 43, 47 جانە فيزيكا-ماتەماتيكا (بۇرىنعى №25) مەكتەپ وقۋشىلارى ەكى اپتا بويى ۇيدەن وقيدى.