اۋەدەن باقىلاۋ جاسالدى

ءمينيستردىڭ ايتۋىنشا, كونتر­رەتتەگىش ۇزىندىعى 31 شاقىرىم قورعانىس بوگەتىن قامتيدى جانە 450 ملن تەكشە مەترگە دەيىنگى كولەم­دەگى تاسقىن سۋدى ۋاقىتشا ۇستاي الادى. قازىرگى ۋاقىتتا وندا اس­تانا سۋ قويماسىنان تاستالعان  56 ملن.تەكشە مەتر تاسقىن سۋ جي­ناقتالعان.

سونداي-اق مينيستر وزەن ارنا­لارىن تازارتۋ, قورعانىس بوگەت­تەرىن نىعايتۋ, اپاتتىق جاعداي­داعى گيدروتەحنيكالىق قۇرى­لىس­تاردى جوندەۋدىڭ كەشەندى شارالارىن ورىنداۋ ءۇشىن قوسىمشا قاراجات قاجەت ەكەنىن اتاپ ءوتتى. ءوز كەزەگىندە الەكساندر ميليۋتين  پارلامەنتتە سۋ تاسقىنىنا قارسى ءىس-شارالارعا بيۋدجەت قاراجاتىن ءبولۋ ماسەلەسىن كوتەرەتىنىن ايتتى.  

كەزدەسۋ بارىسىندا دەپۋتاتتار ارشالى اۋدانىنىڭ جىبەك جولى كەنتىنە باردى. وندا توتەنشە جاعدايلار ءبىرىنشى ۆيتسە-ءمينيسترى يبراگيم كۇلشىمباەۆ پەن ۆيتسە-مينيستر مارات كۇلدىكوۆ كەنتتىڭ سۋ باسقان ۋچاسكەلەرىندە جۇرگىزىلگەن  ءىس-شارالارمەن تانىستىردى. اقمولا وبلىسىنىڭ 52859 اسكەري ءبولىمى مەن تجد جەكە قۇرامى جىبەك جولى كەنتىنىڭ اينالاسىندا ەكى شاقىرىمدىق ءۇيىندى بەكىتىلىمدى نىعايتۋ جۇمىستارىن جالعاستىرۋدا. 1000-نان استام ينەرتتى ماتەريالى بار قاپتار دايىندالىپ, ونىڭ 700-گە جۋىعى توسەلگەن. قازىر جاعداي تۇراقتاندى. اۋلالار اۋماعىنان ەرىگەن سۋ سورىلىپ شىعارىلدى.

سونداي-اق توتەنشە جاعدايلار ءبىرىنشى ۆيتسە-ءمينيسترى يبراگيم كۇلشىمباەۆ ءماجىلىس دەپۋتاتتا­رىمەن بىرگە سۋ تاسقىنى جاعدايىن اەروۆيزۋالدى زەرتتەۋ جانە موني­تورينگىلەۋ ماقساتىندا ەلوردا ما­ڭىنداعى قاۋىپتى اۋماقتاردى اۋەدەن شولىپ شىقتى. ۇشۋ بارى­سىندا دەپۋتاتتار 42-رازەزد, قويان­دى, تالاپكەر, قاراوتكەل, قارا­جار, جىبەك جولى جانە قوس­شى ەلدى مەكەندەرىنىڭ اۋماقتارىن اۋەدەن باقىلادى.

باقىلاۋ كەزىندە قاردىڭ ەرۋ پرو­تسەسى بىرقالىپتى ءجۇرىپ جات­قانى بايقالدى. سۋ شايعان ايماقتار جوق.

قازىر تاۋلىك بويى كوسمومونيتورينگ جۇرگىزۋ جالعاسۋدا. اقمولا, قوستاناي جانە سولتۇستىك قازاقستان وبلىستارىنىڭ كەيبىر وزەن اۋماقتارىندا سەڭ ءجۇرۋ ۇدەرىسى باستالدى. وسىعان وراي, اتال­عان وڭىرلەر مەن شىعىس قازاق­ستان وبلىسىنىڭ سۋ قويما­لارىندا سۋ جيناۋعا قاجەتتى ورىندار ازىرلەنۋدە.