پىكىرسايىس - ۇجىمداعى ءار ءتۇرلى كوزقاراستىڭ, وي-پىكىردىڭ ورتاعا سالىنىپ, كوپشىلىكتىڭ تالقىسىنا ءتۇسۋى.
پىكىرسايىس, نەگىزىنەن, تاريحى تەرەڭ قوزعالىس. ەجەلگى گرەكياداعى افينى دەموكراتياسىنداعى ساياسي جانە فيلوسوفيالىق پىكىرتالاستار, ەجەلگى ۇندىستانداعى «شاسترارتحا» («شاسترانىڭ», ياعني قاسيەتتى جازۋلاردىڭ تۇپكى ءمانىن انىقتاۋعا باعىتتالعان ينتەللەكتۋالدى پىكىرتالاس) پىكىرتالاستىڭ كونە زاماننان باستالعانىنا دالەل بولا الادى. وسىلايشا, پىكىرسايىس بۇرىنعى كەزدەردەن-اق مەملەكەتتىڭ ساياسي ومىرىندە ماڭىزدى ورىندى الىپ وتىرعان.
قانشاما عاسىرلار وتسە دە, پىكىرتالاستىڭ شەت ەلدەردەگى ماڭىزى تۇسە قويماعان. بريتان پارلامەنتىندەگى پىكىرتالاستار پارلامەنت پەن پارتيالاردىڭ جۇمىسىنىڭ, ونداعى شەشىم قابىلداۋدىڭ كورىنىسى بولسا, اقشتاعى پرەزيدەنتتىك سايلاۋ بارىسىنداعى پىكىرتالاستار داۋىس بەرۋشىلەردى جيناۋدىڭ قۇرالى بولىپ تابىلادى. ونداعى حالىق تا وسىنداي پىكىرسايىستاردى ۇزبەي كورۋگە تىرىسۋدا. پىكىرسايىس وتەتىن ستاديوندار ميلليونداپ ادامداردى جيناسا, ال بۇنىڭ ءوزى بارشا تەلەارنالاردان كورسەتىلۋدە.
بۇنداي حالىقارالىق ترەندتەن ءبىزدىڭ ەل دە قالىس قالماۋدا. بۇنىڭ دالەلى رەتىندە قازاقستاندا دەباتتىق قوزعالىستى العاش رەت سوروس-قازاقستان قورى 1996-2004 جىلدارى «دەباتتار» باعدارلاماسىن جۇزەگە اسىرۋ ارقىلى دامىتا باستادى. 1996 جىلى ترەنەرلەرگە ارنالعان العاشقى ترەنينگتەر وتكىزىلدى, كەيىن ولار مەكتەپ وقۋشىلارى اراسىندا دەباتتار وتكىزدى. ترەنەرلەر وقۋشىلار اراسىندا دەباتتار وتكىزدى. ترەنينگتەر قازاقستان بويىنشا دەباتتار جەلىسىن كەڭەيتۋگە كومەكتەستى. سوڭعى ءماجىلىس پارلامەنتىنە سايلاۋدا پىكىرسايىس تەحنيكاسى ەنگىزىلگەنىن بايقادىق. دەسە دە قوعام تاراپىنان, قاراپايىم ادامداردىڭ تاراپىنان پىكىرسايىسقا ۇلكەن ءبىر جاناشىرلىق تانىلىپ جاتقانىن بايقامادىق.
قوعامدىق دامۋدىڭ جاھاندىق اقپاراتتاندىرۋعا بەتبۇرىسىن ەسكەرەتىن بولساق, قازىرگى كەزدە زاماناۋي مەكتەپتەردىڭ الدىندا جاڭا مىندەتتەر تۇر. ونىڭ ىشىندەگى ەڭ باستىسى - ادامداردى تۇلعا رەتىندە قالىپتاستىرۋ, وعان جاعداي جاساۋ. ەلدىڭ دامۋى ادامداردىڭ ازاماتتىق قوعامعا بەلسەنە قاتىسۋىنسىز جۇرمەيتىنى انىق. پىكىرسايىس تا, ادامداردىڭ سىني ويلاۋىن دامىتا وتىرىپ, ءوز ويىن قالىپتاستىرۋعا, ءبىر ماسەلەگە ءارتۇرلى جاقتان قاراۋعا ۇلكەن سەپتىگىن تيگىزەدى. بالالارىمىزعا دا ءوز كوزقاراستارىن سەنىمدى تۇردە دالەلدەۋگە, ءبىلىمدى تۇردە پىكىرتالاستىرۋعا, بەلگىسىزدىك جاعدايىندا سانالى تاڭداۋ جاساۋعا, كىشىپەيىل بولۋعا, جاڭا دوستار تابۋعا جانە ولاردىڭ ارەكەتتەرى ءۇشىن جاۋاپ بەرۋگە كومەكتەسۋ - مادەني الەمنىڭ ماڭىزدى بولىگى.
قر بعم رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعى مەكتەپ جانە كوللەدج پىكىرسايىسىن دامىتۋ ماقساتىندا ءتۇرلى پىكىرسايىس الاڭدارىن قۇرىپ, ءوز ۇلەسىن قوسۋدا. جوبالىق كەڭسەنىڭ ءار كۇنى باسقاسىنا ۇقسامايدى. كەڭسەدەگى جۇمىستىڭ ءار كۇنى – بۇل تۇراقتى كەزدەسۋلەر, تاجىريبە, ۆەبينارلارداعى يدەيالارمەن الماسۋ, مەكتەپتەردىڭ, كوللەدجدەردىڭ كەيبىر پىكىرسايىس كلۋبتارىنىڭ پىكىرسايىس تۋرنيرلەرىنە قاتىسۋعا شاقىرۋ, سىندارلى پىكىرتالاستار, تۋرنيرلەردى وتكىزۋ ەرەجەلەرى تۋرالى وقىتۋ شاعىن فيلمدەرىنىڭ بەينەتۇسىرىلىمدەرى جانە تاعى باسقالار. جاڭا تانىستاردان, دوستاردان جانە سەرىكتەستەردەن كەرەمەت ەنەرگيا مەن قاناعاتتانۋ! ونىمەن قوسا, ءبىلىم جانە عىلىم ءمينيسترى ا. ايماگامبەتوۆ, دەبات قوزعالىسىنىڭ دامۋىنىڭ باستاۋىندا بولعان, ساياسي عىلىمدارىنىڭ دوكتورى, ALMAU پروفەسسورى, ۇلتتىق دەبات ورتالىعىن باسقارعان وتارباەۆا ب.ز., يمجاروۆا ز., رايمكۋلوۆا ج., اۋكەنوۆ ە., كۋلجان م., اشيم نارتاي, سايلاۋقىزى ا., ابدانبەكوۆ ا., اۋباكيروۆ ك., چەرنيازدانوۆ چ., ابيشەۆ گ., بايدۋيسەنوۆ ا., بايگاراەۆ د., دارحان مۋحان, شايكەن ماكاجان, بەكباسوۆا جانار سەكىلدى جانە باسقا دا ارداگەر پىكىرسايىسشىلاردىڭ ەلىمىزدەگى «التىن فوند» قاتارىنا قوسىلۋدا.
وسىنداي پىكىرلەستەر كومانداسىمەن, جارقىن, ويىن-ساۋىق زياتكەرلىك ويىن سياقتى پىكىرسايىستار ءبىزدىڭ جاستارىمىزدىڭ سىني ويلاۋىن, تولەرانتتىلىعىن, جاۋاپكەرشىلىگىن, شىعارماشىلىق جانە سىني تۇرعىدان ويلاۋ, داۋلى جاعدايلاردى ديپلوماتيالىق جولمەن شەشۋ قابىلەتىن قالىپتاستىرۋدىڭ قۋاتتى زياتكەرلىك قۇرالى بولا الادى.
شەر رايسا پەتروۆنا,
قر بعم رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعىنىڭ ديرەكتورى