جامبىلدىڭ دومبىراسى جاۋعا شاپقان

جاعىنا التىن جالاتقان جامبىل جىراۋ,

دالامنىڭ پەرنەسىندە داڭعىل بۇراۋ.

جىراۋعا بۇراۋ سايكەس كەلە مە دەپ,

بىرەۋلەر اۋزىمىزدى اڭدىپ ءجۇر-اۋ!..

اڭدىپ ءجۇر-اۋ بىرەۋلەر اۋزىمىزدى,

ادەتى الىمساقتان جاۋدىڭ «ىزگى».

ساناڭا ساياحاتشىلارى كەلگەن,

جادىڭنان وشiرگەندەي ءجاۋدىر ءىزدى.

ۇلتىڭدى داڭقى داۋىل ۇلمەن قورعار.

قۇلقىڭدى انتى جاۋىر قۇلمەن قورعار.

ءوزiڭنiڭ شىنتاعىڭنان ءوسىپ شىققان,

جامبىلدىڭ جاعاسىندا جۇرگەن قولدار!

اڭدىعان اباي مەنەن مۇحتاردى ورلار.

ابىشتەي جۇلدىزىڭدى جۇتقان زورلار.

بiلدiرمەي قىلعىندىرعان بiلiكتiڭدi,

شىڭعىرىپ كوردەن قايتا شىققان قولدار!

ءوزiڭدi ءوز قولىڭمەن دارعا اسقانداي,

كەيپى – ادام, كەي جەرلەرى – الباستى اڭداي.

دارعا اسقانداي سوياتىن سول قولداردى,

اقىنداردى قايراڭدار الداسپانداي!

تاكاپپاردى حالىقتىڭ ءتاۋباسى اتقان.

ءتاۋبالى ەردiڭ تابانى اۋماس اتتان.

ولەڭدەرگە قايراتىپ ورەندەردى,

جامبىلدىڭ دومبىراسى جاۋعا شاپقان!

ەزۋiڭنەن سىرعاناپ سىڭار كۇلكىڭ,

سىڭار كۇلكىڭ كەكەتكەن سىنار ءبىر كۇن.

«جامبىل – اقىن ەمەس» دەگەندەر بار,

اكىندار جامبىل ەمەس شىعار مۇمكىن!

جامبىل تاۋدىڭ ەتەگى – جاۋعان نۇرلار.

اسقارىنان توگىلگەن الۋان جىرلار.

قۇزار شىڭداي اسپاندا كۇشاقتاسقان,

Tay جامبىلدان تۋادى ءداۋ جامبىلدار!

مەلس قوسىمباەۆ,

«قۇرمەت» وردەنىنىڭ يەگەرى, مەملەكەتتىك دارىن سىيلىعىنىڭ لاۋرەاتى,

Aقتay قالاسى