قازاق فۋتزالىنىڭ اڭىزىنا اينالعان سەرىك جامانقۇلوۆ وتكەن اپتادا 2022 جىلعى ەۋروپا چەمپيوناتىنىڭ ىرىكتەۋ ءتۋرنيرى اياسىندا يزرايل قۇراماسىمەن كەزدەسۋدە ۇلتتىق قۇراما جەيدەسىندە سوڭعى ويىنىن وتكىزدى.
جامبىل فۋتبول مەكتەبىنىڭ تۇلەگى ەڭ العاش «اڭسار» كلۋبىندا دوپ تەۋىپ, كاسىبي تۇردە فۋتزالمەن اينالىسا باستادى. اراعا جىلدار سالىپ, ياعني 2009 جىلى الماتىنىڭ «قايراتىنا» اۋىسىپ, 2019 جىلدىڭ سوڭىندا كلۋبتاعى مانسابىن اياقتادى. وسى ون جىلدىڭ ىشىندە جامانقۇلوۆ «قايراتپەن» بىرگە قازاقستاننىڭ ون دۇركىن چەمپيونى اتانىپ, ەكى مارتە ۋەفا كۋبوگىن يەلەندى.
ۇلتتىق قۇراما ساپىندا 2016 جىلى سەربيادا وتكەن ەۋروپا چەمپيوناتىنىڭ قولا جۇلدەسىنە قول جەتكىزدى. قارت قۇرلىق بىرىنشىلىگىندەگى بەس ويىندا (رەسەي, حورۆاتيا – 2 گول, يتاليا, يسپانيا جانە سەربيا) التى گول سوعىپ, ءتۋرنيردىڭ ۇزدىك سۇرمەرگەندەرىنىڭ ءبىرى بولدى. سەرىك جامانقۇلوۆ ۇلتتىق قۇراما جەيدەسىمەن جالپى سانى 58 ويىندا الاڭعا شىعىپ, 22 مارتە گول سوقتى.