كۇنى كەشە الاتاۋ باۋرايىندا ءوز مارەسىنە جەتكەن وليمپيا ويىندارىنىڭ ليتسەنزيالىق ءتۋرنيرى اياسىندا وتكەن قۇرلىقتىق كونگرەستە داۋلەت تۇرلىحانوۆ ازيا كۇرەس كەڭەسىنىڭ پرەزيدەنتتىگىنە قايتا سايلاندى.
قازاقتىڭ داڭقتى بالۋانى قازاقستاننىڭ جانە حالىقارالىق تۋرنيرلەردىڭ جەڭىمپازى, كسرو-نىڭ جەتى دۇركىن چەمپيونى, ەۋروپا چەمپيونى, الەم چەمپيوناتتارىنىڭ التىن, كۇمىس جانە قولا جۇلدەگەرى, الەم كۋبوگىنىڭ ەكى مارتە جەڭىمپازى, ازيانىڭ ەكى دۇركىن چەمپيونى, 1988 جىلعى سەۋل وليمپياداسىنىڭ كۇمىس, 1992 جىلعى بارسەلونا وليمپياداسىنىڭ قولا جۇلدەگەرى بولعان.
بۇگىندە قازاقستاننىڭ گرەك-ريم, ەركىن جانە ايەلدەر كۇرەستەرى فەدەراتسياسىنىڭ ۆيتسە-پرەزيدەنتى قىزمەتىن اتقارىپ كەلە جاتقان داۋلەت تۇرلىحانوۆ ازيا كۇرەس كەڭەسىنىڭ پرەزيدەنتتىگىنە ەكىنشى رەت سايلاندى. ول بۇعان دەيىن بۇل قىزمەتتە 2017-2021 جىلدارى بولعان ەدى.