الداعى كۇندەرى ەلىمىزدىڭ وڭتۇستىگىندە اۋا تەمپەراتۋراسى +32 گرادۋسقا دەيىن كوتەرىلەدى. بىراق بىرنەشە وڭىردە نايزاعاي ويناپ, جاڭبىر جاۋىپ جانە جەل كۇشەيەدى, دەپ جازادى Egemen.kz.
سينوپتيكتەردىڭ مالىمەتىنشە, 31 ناۋرىز بەن 2 ءساۋىر ارالىعىندا ەلىمىزدىڭ باسىم بولىگىندە جاۋىن-شاشىن بولمايدى. دەگەنمەن, باتىس وڭىرلەر مەن وڭتۇستىكتىڭ تاۋلى ايماقتارىندا جاڭبىر جاۋىپ, نايزاعاي وينايدى. باتىستا كەي جەرلەردە جاۋىن-شاشىننىڭ كۇشەيۋى جانە جەلدىڭ جىلدامدىعى 15-20 م/س-قا دەيىن جەتۋى مۇمكىن.
سونداي-اق رەسپۋبليكا بويىنشا تۇنگى جانە تاڭەرتەڭگى ۋاقىتتا تۇمان ءتۇسۋ ىقتيمالدىعى جوعارى. بۇل كولىك قوزعالىسىنا اسەر ەتۋى مۇمكىن, سوندىقتان جۇرگىزۋشىلەرگە ساق بولۋ ۇسىنىلادى.
اۋا تەمپەراتۋراسى وڭىرلەر بويىنشا ايتارلىقتاي ەرەكشەلەنەدى. اتاپ ايتقاندا:
سولتۇستىك-باتىستا – +17…+26 گرادۋس; سولتۇستىكتە – +13…+20 گرادۋس; ورتالىقتا – +12…+23 گرادۋس; شىعىستا – +5…+22 گرادۋس; وڭتۇستىك پەن وڭتۇستىك-شىعىستا اۋا تەمپەراتۋراسى +23…+32 گرادۋسقا دەيىن كوتەرىلەدى; باتىستا كەرىسىنشە, +13…+20 گرادۋسقا دەيىن سالقىنداۋ كۇتىلەدى.كۇننىڭ كۇرت جىلىنۋى مەن جاۋىن-شاشىننىڭ قاتار ءجۇرۋى كەي وڭىرلەردە قولايسىز جاعداي تۋعىزۋى مۇمكىن.
بىرقاتار وڭىردە اۋا رايىنا بايلانىستى ەسكەرتۋ جاريالاندى