قازاقستان قارۋلى كۇشتەرىندە اسكەري قىزمەتشىلەردى ازىق-ت ۇلىكپەن قامتاماسىز ەتۋ جۇيەسىن كەشەندى تۇردە جاڭعىرتۋ جۇمىستارىنداعى نەگىزگى جاڭالىقتاردىڭ ءبىرى بىرنەشە تاعام اراسىنان ءوز تاڭداۋىن جاساۋعا مۇمكىندىك بەرەتىن «شۆەد ۇستەلى» ەلەمەنتتەرىن ەنگىزۋ بولىپ وتىر, دەپ حابارلايدى Egemen.kz.
جاڭا تاماقتانۋ جۇيەسى بويىنشا اسكەري قىزمەتشىلەر كۇن سايىن ۇسىنىلاتىن بىرنەشە ءبىرىنشى جانە ەكىنشى تاعام اراسىنان تاڭداۋ جاساي الادى. بۇل رەتتە تاماقتانۋ قۇنى وزگەرىسسىز ساقتالادى, ال ۇنەمدەلگەن قاراجات تاعام دايىنداۋ مەن تاراتۋ ۇدەرىستەرىن ءتيىمدى ۇيىمداستىرۋ ارقىلى قامتاماسىز ەتىلەدى.
قازىرگى ۋاقىتتا اسكەردەگى تاماقتاندىرۋ جۇيەسى 40 مىڭنان استام اسكەري قىزمەتشىنى قامتىپ, 23 قىزمەت كورسەتۋشى ارقىلى جۇزەگە اسىرىلۋدا. ولاردىڭ قاتارىنا مەرزىمدى قىزمەت ساربازدارى, كۋرسانتتار مەن كادەتتەر كىرەدى. جۇرگىزىلگەن كونكۋرس ناتيجەسىندە نارىققا 11 جاڭا جەتكىزۋشى تارتىلىپ, باسەكەلەستىك دەڭگەيىن ارتتىرۋعا جانە قىزمەت ساپاسىن جاقسارتۋعا مۇمكىندىك جاسالدى.
«Smart-ۆوەنكومات» جانە «e-مەدوسموتر»: اسكەرگە شاقىرىلۋشىلار تسيفرلىق جۇيە ارقىلى ىرىكتەلەدى
سونىمەن قاتار تاماقتاندىرۋ جۇيەسى ۇزاق مەرزىمدى نەگىزگە كوشىرىلمەك. ەندى كەلىسىمشارتتار ءۇش جىلعا جاسالىپ, بارلىق كونكۋرس راسىمدەرى تولىقتاي ەلەكتروندى فورماتقا اۋىسادى. بۇل ءوز كەزەگىندە اشىقتىقتى قامتاماسىز ەتىپ, سىبايلاس جەمقورلىق تاۋەكەلدەرىن ازايتۋعا جانە جەتكىزۋشىلەردىڭ تۇراقتىلىعىن نىعايتۋعا باعىتتالعان.
تاماق ساپاسىن ارتتىرۋ ماقساتىندا بىرقاتار ناقتى شارالار جۇزەگە اسىرىلدى. اتاپ ايتقاندا, شامامەن 300-گە جۋىق كورسەتىلىمدىك جانە باقىلاۋ تاعامدارى دايىندالىپ, اسپازدارعا ارنالعان وقىتۋ كۋرستارى وتكىزىلدى. سونىمەن بىرگە, اسكەري قىزمەتشىلەردىڭ پىكىرلەرى ەسكەرىلىپ, بولىمشەلەردە ءانونيمدى ساۋالنامالار جۇرگىزىلدى. ونىڭ ناتيجەسىندە ءمازىر كەيبىر وزگەرىستەرگە ۇشىراپ, ازىق-ت ۇلىك نورمالارى ساقتالا وتىرىپ جەتىلدىرىلدى.
قورعانىس مينيسترلىگى وكىلدەرىنىڭ ايتۋىنشا, جاڭا جۇيەگە كوشۋ – اسكەري قىزمەتشىلەردىڭ تاماقتانۋ ساپاسىن ارتتىرۋداعى ماڭىزدى قادام. باسىمدىق ساربازداردىڭ قاجەتتىلىكتەرىنە بەرىلىپ, تاعامنىڭ ارتۇرلىلىگى مەن ساپاسىن جاقسارتۋعا ەرەكشە كوڭىل بولىنۋدە.
الماتى مەن تۇركىستاندا جاڭا اسكەري نىساندار سالىنىپ جاتىر
سونىمەن قاتار تاماق راتسيونىن بايىتۋ ماقساتىندا ۇلتتىق تاعامداردى ەنگىزۋ جۇمىستارى دا قولعا الىنعان. اسكەري بولىمدەردە ۇلتتىق تاعامدار كۇندەرى ۇيىمداستىرىلىپ, پالاۋ, قۋىرداق, مامپار, ەت, باۋىرساق سياقتى ءداستۇرلى تاعامدار ۇسىنىلۋدا.
دالالىق جاعدايدا تاماقتاندىرۋ ساپاسىن ارتتىرۋ جانە اسكەري اسپازدار دايارلاۋ ىسىنە دە ەرەكشە نازار اۋدارىلىپ وتىر. ولار پوليگونداردا ازاماتتىق جەتكىزۋشىلەرمەن بىرلەسىپ جۇمىس ىستەيتىن بولادى.
قوعامدىق باقىلاۋ جۇيەسى دە ماڭىزدى ءرول اتقارادى. بۇل باعىتتا «انالار جۇرەگى» سارباز انالارى كوميتەتى تاماق ساپاسىن باعالاۋ جانە اسكەري قىزمەتشىلەرمەن كەرى بايلانىس ورناتۋ پروتسەسىنە قاتىسادى. بۇل ۇيىم جۇيەنىڭ اشىقتىعىن قامتاماسىز ەتىپ, حالىق سەنىمىن ارتتىرۋعا ىقپال ەتەدى.
كوكتەمگى اسكەرگە شاقىرۋ: ءوتىنىمدى ەندى ونلاين بەرۋگە بولادى