ۇلتتىق قورداعى قارجى ايتارلىقتاي ازايعان

ۇلتتىق بانك توراعاسى ەربولات دوساەۆتىڭ ايتۋىنشا, ناۋرىز ايىنىڭ سوڭىندا ۇلتتىق قوردىڭ اكتيۆتەرى ءبىر ايدا 523 ميلليون اقش دوللارىنا ازايىپ, 57,1 ميلليارد اقش دوللارىن قۇرادى.

«ناۋرىزدا ماقساتتى جانە كەپىلدەندىرىلگەن ترانسفەرتتەردى ءبولۋ ءۇشىن 322 ميلليارد تەڭگەگە نەمەسە 765 ميلليون اقش دوللارىنا 695 ميلليون اقش دوللارى ساتىلدى. ناۋرىزدا ۇلتتىق قورعا تۇسىمدەر نەبارى 65 ميلليارد تەڭگەنى قۇرادى, ونىڭ ىشىندە 100,6 ميلليون دوللار شەتەلدىك ۆاليۋتادا نەمەسە 42,7 ميلليارد تەڭگە بالاماسىندا. ۇلتتىق قوردىڭ ءبىر ايداعى وڭ ينۆەستيتسيالىق كىرىسى 72 ميلليون اقش دوللارىن نەمەسە 0,13% قۇرادى. سونىمەن بىرگە, 1 توقساندا ينۆەستيتسيالىق كىرىس - 182 ميلليون اقش دوللارىن قۇرادى », دەپ اتاپ ءوتتى ول.

سونىمەن قاتار, ۇب توراعاسىنىڭ  ايتۋىنشا, التىن-ۆاليۋتا رەزەرۆتەرى ناۋرىز ايىندا 1,13 ميلليارد دوللارعا تومەندەپ, 33,54 ميلليارد دوللارعا جەتتى.  

«التىن جوعارى قۇبىلمالىلىقتى كورسەتىپ وتىر, ءساۋىردىڭ باسىنان باستاپ باعا ءبىر ۋنتسيا ءۇشىن 1744 دوللارعا نەمەسە 3,5% -عا دەيىن ءوستى, بۇل التىن پورتفەلىنىڭ 756 ملن دوللارعا قالپىنا كەلۋىن قامتاماسىز ەتتى. اعىمداعى جىلدىڭ ناۋرىز ايىندا ەركىن ايىرباستالاتىن ۆاليۋتاداعى اكتيۆتەردىڭ تومەندەۋى 317 ملن اقش دوللارىن قۇرادى.  مەملەكەتتىك قارىزدى وتەۋگە  72 ميلليون اقش دوللارى جۇمسالدى.  ناتيجەسىندە وسى جىلدىڭ ناۋرىزىنداعى جالپى حالىقارالىق رەزەرۆتەر 90,64 ملرد اقش دوللارىن قۇرادى», دەپ تۇيىندەدى ە.دوساەۆ.