نۇر-سۇلتان قالاسىندا مەملەكەتتىك باعدارلاما بويىنشا سالىنعان ءزاۋلىم ءۇي شەتىنەن ۇگىلىپ جاتىر, دەپ حابارلايدى Egemen.kz استانا تەلەارناسىنا سىلتەمە جاساپ.
سىرتقى كىرپىش قاپتاما تۋرا جاياۋ جۇرگىنشىلەر جۇرەتىن جەرگە وپىرىلىپ تۇسكەن. ەندى تۇرعىندار پودەزدەن شىعۋعا قورقادى. شەندىلەردەن كومەك سۇرايدى.
ء«بىزدىڭ ءۇي قۇلادى, ءدال مەنىڭ كوز الدىمدا قۇلادى. ءبىز بۇعان نەگە ءتوزۋىمىز كەرەك؟ توتەنشە جاعدايدان ادامدار كەلدى, ولار شاشىلعان كىرپىشتەردى جيناپ الىپ, كەتىپ قالدى. ەندى ءبىز وسى بۇزىلعان ۇيدە وسىلاي ءومىر ءسۇرۋىمىز كەرەك پە», دەيدى نۇر-سۇلتان قالاسىنىڭ تۇرعىنى مالىك.
جالعا الۋشىلاردىڭ ايتۋىنشا, ءۇي ءىس جۇزىندە جاپ-جاڭا. ول توعىز جىل بۇرىن عانا مەملەكەتتىك باعدارلاما بويىنشا سالىنعان.
الايدا كەيىنگى جىلدارى ماسەلەلەر ارتى-ارتىنان تۋىنداي باستاعان. كارىز قۇبىرلارى شىرىگەن, جاڭا عيماراتتاردى مەزگىل-مەزگىل قار سۋى الىپ كەتەدى ەكەن. ەندى حالىق ء«ۇيدىڭ سىرتقى قاپتاماسى ۇگىلىپ جاتىر» دەپ شاعىمدانىپ وتىر.
«تاڭعى توعىز كەزى بولاتىن. قۋانىشقا وراي, قايتا قازىر بالالار ۇيدە, ونلاين وقيدى, ايتپەسە بۇل ارادان وقۋشىلار كوپ جۇرەدى, ويتكەنى انا ارادا 64 مەكتەپ بار. بارلىعى وسى جەردەن وتەدى. قايتا ادام ءولىمى بولعان جوق. سوندا قانداي دا ءبىر جاماندىقتىڭ ورىن العانىن كۇتۋىمىز كەرەك پە, ەڭ جامانى سول, بيلىك تاراپىنان ارەكەت جوق, ەشتەڭە بولماعانداي», دەيدى نۇر-سۇلتان قالاسىنىڭ تۇرعىنى ابزال اسانوۆ.
الماتى اۋدانىنىڭ اكىمدىگى توتەنشە جاعداي بولعان جەردى زەرتتەدىك دەيدى. الايدا, ساراپشىلار ساراپتاما جاسالمايىنشا, شەنەۋنىكتەر ماسەلەنى جويا المايدى. الايدا ونى تۇرعىن ءۇي يەلەرىنە ءوز قاراجاتتارى ەسەبىنەن جاساۋ ۇسىنىلىپ وتىر.
«بۇل ۇيدە پايدالانۋ مەرزىمى شارتتاعى كەزەڭگە جەتپەگەندىكتەن, بىزگە مۇنداي تەحنيكالىق زەرتتەۋ جۇرگىزۋ قيىن. سوندىقتان, ونى تۇرعىندار ءوز قاراجاتى ەسەبىنەن جاساي الادى. ول ءۇشىن تاۋەلسىز ساراپشىلاردى تارتۋ كەرەك», دەيدى الماتى اۋدانى بويىنشا تۇرعىن ءۇي باسقارماسى جانە تۇرعىن ءۇي ينسپەكتسياسى ءبولىمىنىڭ باستىعى رۇستەم ابدىراشەۆ.
شەنەۋنىكتەر مۇنداي ساراپتامانى ءۇيدىڭ سالىنعانى 10 جىلدان استام ۋاقىت بولعاندا عانا جاساي الادى. سوندىقتان تۇرعىندارعا تاۋەلسىز ساراپشىلاردى جالداۋدان باسقا امال جوق سەكىلدى. ال ول قىمباتقا تۇسەدى. بىراق وسىدان كەيىن دە جاڭا عيماراتتى جوندەۋ مۇمكىنكىندىگى ارتا ما, بەلگىسىز. اكىمدىكتەگىلەر بۇل ءۇي مەملەكەتتىك مەنشىككە جاتپايدى دەپ ءتۇسىندىردى. دەمەك, پاتەر يەلەرى ونى ءوز ەسەبىنەن رەتكە كەلتىرۋى كەرەك بولادى.