دوكتورانتۋراعا قابىلداۋ ەلەكتروندى فورماتتا, ال ديسسەرتاتسيالاردى قورعاۋ ونلاين-رەجيمدە جۇرگىزىلەدى, دەپ حابارلايدى Egemen.kz بعم ءباسپاسوز قىزمەتىنە سىلتەمە جاساپ.
جوعارى وقۋ ورنىنان كەيىنگى ءبىلىم بەرۋ باعدارلامالارىنا ءتۇسۋ ەرەجەلەرى وزگەرتىلدى. ەندى دوكتورانتۋراعا قابىلداۋ ەلەكتروندى فورماتتا جۇزەگە اسىرىلادى. وتكەن جىلى بۇل ءتاسىل ماگيستراتۋراعا قابىلداۋ كەزىندە تيىمدىلىگىن كورسەتتى.
پاندەمياعا بايلانىستى ستۋدەنتتەر مەن ماگيسترانتتارعا قورىتىندى جۇمىستارىن ونلاين فورماتتا قورعاۋعا رۇقسات ەتىلدى. ەگەر ديپلومدىق جۇمىس نەمەسە ماگيسترلىك ديسسەرتاتسيا ونلاين فورماتتا قورعالعان بولسا, ستۋدەنتتەردەن ء«مور» مەن «قولتاڭبا» تالاپ ەتۋدىڭ قاجەتى جوق.
سونىمەن قاتار ەندى بارلىق دوكتورلىق ديسسەرتاتسيا جەلىدە ترانسلياتسيالاۋ ارقىلى ونلاين-رەجيمدە قورعالاتىن بولادى. بۇل عىلىمي جۇمىستاردى قورعاۋ ءراسىمىنىڭ اشىقتىعى مەن ادىلدىگىن قامتاماسىز ەتەدى.