«سامۇرىق-قازىنا «ۇاق» اق باسقارماسىنىڭ شەشىمىمەن نۇرلان ەرمەك ۇلى ساۋرانباەۆ «قازاقستان تەمىر جولى» ۇك» اق باسقارما توراعاسى بولىپ تاعايىندالدى, دەپ حابارلايدى Egemen.kz.
بۇگىن «قتج» اق جاڭا باسشىسىن «سامۇرىق-قازىنا» اق باسقارما توراعاسى الماسادام ساتقاليەۆ ۇجىمعا تانىستىردى.
بۇعان دەيىن نۇرلان ساۋرانباەۆ قر پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەڭگەرۋشىسى قىزمەتىن اتقارعان بولاتىن.
ءار جىلدارى قورعانىس ءمينيسترىنىڭ ورىنباسارى, يندۋستريا جانە جاڭا تەحنولوگيالار ۆيتسە-ءمينيسترى, شىمكەنت قالاسىنىڭ اكىمى قىزمەتتەرىن اتقارعان.
2010 جىلى ن.ساۋرانباەۆ «سامۇرىق-قازىنا» ۇاق باسقارۋشى ديرەكتورى قىزمەتىن اتقاردى. بۇرىن «قازمۇنايگاز» ۇك اق جانە «قازاقستان تەمىر جولى» رمك باسشىلىق قىزمەتتەرىندە جۇمىس ىستەدى.
ا. كيروۆ اتىنداعى قازاق مەملەكەتتىك ۋنيۆەرسيتەتىن بىتىرگەن. «قۇرمەت» (2007) جانە «پاراسات» (2013) وردەندەرىمەن ماراپاتتالعان.