قازاقستان ەلشىسى بولات ءنۇسىپوۆ برازيليا پرەزيدەنتى جاير بولسونارۋعا سەنىم گراموتالارىن تاپسىردى, دەپ حابارلايدى Egemen.kz ءسىم ءباسپاسوز قىزمەتىنە سىلتەمە جاساپ.
«پلانالتۋ» سارايىنداعى سالتاناتتى راسىمنەن كەيىن وتكەن ەكىجاقتى كەزدەسۋدە ديپلومات سۇحباتتاسۋشىسىنا پرەزيدەنت قاسىم-جومارت توقاەۆتىڭ جىلى لەبىزىن جانە ىزگى تىلەكتەرىن جەتكىزدى.
تاراپتار ەكىجاقتى ىنتىماقتاستىقتىڭ كەڭ اۋقىمدى ماسەلەلەرىن تالقىلاپ, ەكى مەملەكەت اراسىنداعى ساياسي ديالوگتىڭ تۇراقتىلىعىن, ساۋدا-ەكونوميكالىق جانە ينۆەستيتسيالىق ىنتىماقتاستىقتى دامىتۋ ءۇشىن ەلەۋلى الەۋەتتى, سونداي-اق كوپجاقتى الاڭدارداعى ءوزارا ءىس-ارەكەتتەردى اتاپ ءوتتى. ب.ءنۇسىپوۆ قازاقستاننىڭ اۋىل شارۋاشىلىعى, تاۋ-كەن جانە وڭدەۋ ونەركاسىبى, ءوزارا ساۋدا سالاسىنداعى ءوزارا ءىس-قيمىلدى كەڭەيتۋگە جانە قازاقستان ەكونوميكاسىنا برازيليالىق ينۆەستيتسيالاردى تارتۋعا مۇددەلىلىگىن اتاپ ءوتتى.
ءوز كەزەگىندە ج.بولسونارۋ وعان جولدانعان جىلى قۇتتىقتاۋ تىلىكتەرى ءۇشىن ريزاشىلىعىن ءبىلدىرىپ, پرەزيدەنت قاسىم-جومارت توقاەۆقا قازاقستان حالقىنىڭ يگىلىگى ءۇشىن شىن جۇرەكتەن ودان ءارى تابىسقا جەتۋدى شىنايى تىلەكتەرىن جەتكىزدى. سونىمەن كاتار برازيليا پرەزيدەنتى ءوز ەلىنىڭ قازاقستانمەن ەكىجاقتى جانە كوپجاقتى ىنتىماقتاستىقتىڭ بارلىق سالالارىندا بەلسەندى ءوزارا ارەكەتتەسۋگە دايىن ەكەندىگىن ءبىلدىردى.