حالىق مەملەكەتتىك قىزمەتتەر ساپاسىنا رازى ما؟

ساۋالنامانى قازاقستانداعى بۇۇ دامۋ باعدارلاماسىنىڭ قولداۋى­مەن «تالاپ» قولدانبالى زەرتتەۋلەر ورتا­لىعى جۇرگىزگەن. قوعامدىق موني­تورينگتىڭ ماقسا­تى – قىزمەتتى الۋشىلاردىڭ مەملەكەت­تىك قىزمەتتەر كورسەتۋ ساپاسىنا, قول­جەتىمدى­لىگىنە جانە تارتىبىنە قاناعاتتانۋ دەڭگەيىن ايقىنداۋ, سونداي-اق بارلىق مەملەكەتتىك ورگان مەن «ازاماتتارعا ارنالعان ۇكىمەت» مەملەكەتتىك كورپوراتسياسى كورسەتەتىن قىزمەتتىڭ ساپاسى مەن قولجەتىمدىلىگى تۋرالى قىزمەت الۋشىلاردىڭ ۇسىنىستارى نەگىزىندە ولاردى كورسەتۋ كەزىندەگى پروبلەمالىق ماسەلەلەردى انىقتاۋ.

زەرتتەۋدىڭ نەگىزگى تاسىلدەرىنە مىنالار جاتادى: ساندىق (جاپپاي ساۋالناما) جانە ساپالىق («تەرەڭ سۇحبات», «جاسىرىن ساتىپ الۋشى», فوكۋس-توپتىق سۇحبات). زەرتتەۋ مەملەكەتتىك قىزمەتتەردى كورسەتۋ ساپاسىن باعالاۋدىڭ مىنا نەگىزگى ولشەمشارتتارى بويىنشا جۇرگىزىلدى: قولجەتىمدىلىك (قىزمەت الۋ بارىسىندا عيماراتقا, قىزمەت الۋشىنىڭ سەرۆيستەرىنە, ىڭعايلىلىققا جانە جايلىلىققا قولجەتىمدىلىگى); اقپارات (قىزمەتتى الۋ ءتارتىبى تۋرالى تولىق اقپارات); قىزمەتكەرلەر (پەرسونالدىڭ جانە ۆيرتۋالدى كەڭەسشىلەردىڭ جۇمى­سى); ءراسىم, مەرزىمدەر مەن كۇتۋ ۋاقىتى, شىعىندار جانە كەرى بايلانىس (شاعىم­دانۋدىڭ قولدانىستاعى تارتىبىنە جانە ناتيجەلەرىنە).

ساۋالناما ەلدىڭ بارلىق ءوڭىرىن, ونىڭ ىشىندە 260-تان استام ەلدى مەكەن مەن وزگە ەلدەردىڭ تۇرعىندارىن قوسا العاندا 9 مىڭ رەسپوندەنتتى قامتىدى (جەكە جانە زاڭدى تۇلعالار, جەكە كاسىپكەرلەر, ساراپشىلار).

سونىمەن, قوعامدىق مونيتورينگ قورىتىندىسى بويىنشا حالىقتىڭ مەم­لەكەتتىك قىزمەتتەر كورسەتۋ ساپاسىنا قاناعاتتانۋ دەڭگەيى 75,1%-دى قۇراعان. ورتالىق مەملەكەتتىك ورگاندار اراسىندا ءبىرىنشى ورىندا ۇلتتىق ەكونوميكا مينيسترلىگى, ونىڭ قىزمەتتەرى ەڭ جوعارى باللمەن باعالاندى – 4,87 بالل جانە قاناعاتتانۋ دەڭگەيى – 88,1%. ەكىنشى جانە ءۇشىنشى ورىندا قورعانىس مينيسترلىگى (4,86 نەمەسە 88,7%) مەن مەملەكەتتىك قىزمەت ىستەرى اگەنتتىگى (4,86 نەمەسە 85%).

رەيتينگتىڭ اۋتسايدەرلەرى: تسيفر­لىق دامۋ, يننوۆاتسيالار جانە اەرو­عارىش ونەركاسىبى مينيسترلىگى (4,59 بالل نەمەسە 72,1%); اقپارات جا­نە قو­عام­دىق دامۋ مينيسترلىگى (4,53 نەمەسە 72,6%); يندۋستريا جانە ينف­را­قۇرىلىمدىق دامۋ مينيستر­لىگى (4,49 نەمەسە 70,6%).

جەرگىلىكتى اتقارۋشى ورگاندار اراسىندا ءبىرىنشى ورىندى اقمولا وبلىسى (4,73 بالل نەمەسە 80,3%) الدى. ەكىنشى جانە ءۇشىنشى ورىندا پاۆلودار (4,71 نەمەسە 78,4%) جانە شىعىس قازاقستان (4,68 نەمەسە 77,2%) وبلىستارى.

وڭىرلەر رەيتينگىنىڭ اۋتسايدەرلەرى: شىمكەنت (4,56 نەمەسە 73,4%), الماتى  (4,56 نەمەسە 73,3%) جانە نۇر-سۇلتان (4,56 نەمەسە 72,7%) قالالارى.

مونيتورينگ بارىسىندا قىزمەت الۋشىلار مەملەكەتتىك ورگانداردىڭ شاعىمدارعا كەرى بايلانىستىڭ السىز­دىگى, مەملەكەتتىك قىزمەتتەردى اشىق قولجەتىمدىلىكتە كورسەتۋ ءتارتىبى تۋرالى قاجەتتى اقپاراتتى ىزدەۋدىڭ قيىن­دىعى بولىگىندەگى جۇمىسىنا نارا­زى­لىقتارىن بىلدىرگەن. سونداي-اق مەم­لەكەتتىك قىزمەتتەردى كورسەتۋدىڭ جەكەلەگەن پروتسەستەرىن اۆتوماتتاندىرۋ, اقپاراتتىق جۇيەلەردى «ەلەكتروندى ۇكىمەت» پورتالىمەن ينتەگراتسيالاۋ بو­يىنشا ۇسىنىستار كەلىپ تۇسكەن.

ازاماتتاردىڭ شاعىمدارىنىڭ كوپ­شىلىگى 1414 بىرىڭعاي بايلانىس ورتا­لىعى­نىڭ (ببو) قىزمەتىنە بايلانىستى بول­عان (قوڭىراۋ شالۋ مۇمكىندىگىنىڭ جوق­تىعى, كونسۋلتاتسيالاردىڭ تو­مەن ساپاسى, ببو قىزمەتكەرلەرىنىڭ بىلىكسىزدىگى).

مۇددەلى مەملەكەتتىك ورگاندارعا 2020 جىلى وتكىزىلگەن قوعامدىق مونيتورينگ قورىتىندىسى جولداندى, وسىنىڭ نەگىزىندە مەملەكەتتىك قىزمەتتەردى كور­سەتۋ ساپاسىنا قوعامدىق مونيتورينگ ەسە­بىندە كورسەتىلگەن ۇسىنىمداردى ورىن­داۋ بو­يىنشا شارالار قابىلدانباق. قوعام­دىق مونيتورينگ ۇسىنىمدارىن ورىن­داۋ مەملەكەتتىك قىزمەت ىستەرى اگەنت­تى­گىنىڭ تۇراقتى باقىلاۋىندا بولادى.

ەستەرىڭىزگە سالا كەتەيىك, قازاقستان­دا 2014 جىلدان باستاپ «مەملەكەتتىك كور­سەتىلەتىن قىزمەتتەر تۋرالى» زاڭعا سايكەس مەملەكەتتىك قىزمەتتەردى كور­سەتۋ ساپاسىنا قوعامدىق مونيتورينگ جۇر­گىزىلىپ كەلەدى.