بالالار بايقاۋىنىڭ جەڭىمپازدارى انىقتالدى

جاس ۇرپاقتىڭ بويىندا مەيىرىمدىلىك, قۇرمەت, مورال, تولەرانتتىلىق, جاۋاپكەرشىلىك سىندى قاسيەتتەردى تاربيەلەپ, جالپى ادامدىق جانە وتباسىلىق قۇندىلىقتاردى دارىتۋ ارقىلى وتباسىنداعى مىنەز-ق ۇلىق مادەنيەتىن, قوعامداعى زورلىق-زومبىلىقسىز قارىم-قاتىناس ۇستانىمدارىن دامىتۋعا باعىتتالعان بايقاۋعا 7-18 جاس ارالىعىنداعى الماتىلىقتار قاتىستى.

«بەيبىت الەمىنىڭ بالالارى بەيبىتشىلىكتى بەينەلەيدى»  بايقاۋىنا الماتى قالاسى بويىنشا  60 شاقتى  ءبىلىم بەرۋ مەكەمەسىنەن 266 شاكىرت ءوز جۇمىسىن ۇسىندى. ونىڭ ىشىندە مامانداندىرىلعان مەكتەپتەر مەن بەينەلەۋ ونەرى ستۋديالارى دا بار. شارت بويىنشا ءار قاتىسۋشى تەك ءبىر سۋرەتتەن وتكىزىپ, ولار وتباسىلىق قۇندىلىقتاردى جانە ۇرپاقتار ساباقتاستىعىن;  سالاۋاتتى وتباسىن قۇرۋدى, بالالاردى تۋ مەن تاربيەلەۋدى ناسيحاتتاۋ; قۇربىلار اراسىنداعى قارىم-قاتىناس ماسەلەسىنە نازار اۋدارۋ; بالالاردىڭ نازارىن قورشاعان ورتانى  جانە جان-جانۋارلار الەمىن قورعاۋ ماسەلەرىنە اۋدارۋ, تۋعان جەرىنە, تابيعاتقا دەگەن سۇيىسپەنشىلىگىن قالىپتاستىرۋ تاقىرىپتارىن قامتۋى ءتيىس بولاتىن.

ادىلقازىلار القاسىنىڭ قۇرامىندا «Bambonya» بالالار شىعارماشىلىق دامۋ ورتالىعىنىڭ اتقارۋشى ديرەكتورى ە.كۋرمانبەكوۆا-لاكوتا, «داعدارىس ورتالىقتارىنىڭ وداعى» زتب اتقارۋشى ديرەكتورى  ا.مەدەۋوۆا, قازبسقا جانىنداعى ليتسەيىنىڭ مۇعالىمى  گ.باياسيلوۆا, سۋرەتشى, ديزاينەر ا.ميلوۆانوۆا, تەلەجۇرگىزۋشى,  «Zerde» ارت تەراپياسىنىڭ اۆتورى  م.ساپارباەۆ, تاعى باسقالار بار.  

بايقاۋ ناتيجەسى بويىنشا 3  جۇلدەلى ورىن تاعايىندالىپ, 11 اتالىم انىقتالدى. ولاردىڭ قاتارىندا  «كاسىبي جانە ەستەتيكالىق قابىلداۋ ءۇشىن» اتالىمى ۆەرونيكا سەرەبرياننيكوۆانىڭ ء«بىزدىڭ دوستىق الەمىمىز» سۋرەتىنە بەرىلدى (17 جاستا, جەتەكشىسى: پوپوۆا ت.و.).  «اۆتورلىق يدەيانىڭ وزىندىك ەرەكشەلىگى ءۇشىن» اتالىمىندا رىجوۆا ميلانانىڭ «مەيىرىمدىلىك الەمدى قۇتقارادى» سۋرەتى ۇزدىك دەپ تانىلدى (12 جاستا, جەتەكشىسى: كەنجەبيكە شالعىمبايقىزى). «ەموتسيونالدىلىق ءۇشىن» اتالىمى ۆاسيلەۆا مارگاريتانىڭ «كوپتەن كۇتكەن كۇن» سۋرەتىنە (11 جاس), «يدەيانىڭ كرەاتيۆلىگى ءۇشىن» اتالىمى بەلەتسكايا سوفيانىڭ «الەمدى ساقتايىق» سۋرەتىنە (11 جاستا, جەتەكشىسى: لادا گاينوۆيچ), «ورىنداۋ ۇتقىرلىعى مەن شەبەرلىگى ءۇشىن» اتالىمى نۇرعالىم الۋانىڭ «ەسىڭدە مە؟» سۋرەتىنە (13 جاستا), «تۇجىرىمدامانىڭ ەرەكشەلىگى جانە كوركەمدىك مانەرلىلىگى ءۇشىن» اتالىمى اگاتا ترەتياكوۆتىڭ «وتباسى قۇندىلىقتارى» سۋرەتىنە (14 جاستا), «قىزىقتى گرافيكالىق تەحنيكا ءۇشىن» اتالىمى دەني مازيەۆتىڭ «مەنىڭ قالامداعى كۇز» سۋرەتىنە (8 جاستا, جەتەكشىسى: بودرىح ي.ا.), «مازمۇندىق مانەرلىلىگى ءۇشىن» اتالىمى ۆالەنتينا تاناسەۆيچتىڭ «وتباسى – تىرەك» سۋرەتىنە (12 جاستا), «بەينەلىگى جانە شىعارماشىلىق كوزقاراسى ءۇشىن» اتالىمى توقمۋرزيەۆا قالامقاستىڭ «جەر ءومىرى» سۋرەتىنە  (10 جاستا, جەتەكشىسى: كيانوۆا ي.ۆ.) بەرىلدى. ال «تۇستەردىڭ اشىقتىعى مەن قىزىقتى تەحنيكالىق شەشىمى ءۇشىن» اتالىمى كريستينا پاتسەنكونىڭ  «قاس قاعىم ساتتەردى ەسكە ءتۇسىرۋ» سۋرەتىنە (14جاستا), «شىعارماشىلىق كوزقاراسى جانە شەشىمنىڭ ەرەكشەلىگى ءۇشىن» اتالىمى  گيردزياۋسكاس كارينانىڭ «بارلىعى ماحابباتتان باستاۋ الادى» سۋرەتىنە بەرىلدى (14 جاستا, جەتەكشىسى: پوپوۆا ت.و). ال  3-ورىنعا 9جاستاعى مانكو الەن «اجەگە دەگەن ماحاببات» سۋرەتى ءۇشىن, (جەتەكشىسى: فايزۋللا انەل),  2-ورىندى «باقىتتى بالالىق شاق» سۋرەتىمەن 13 جاسار كادىرباي ديدار, ال 1-ورىندى 15 جاستاعى اناستاسيا كرۋچينا «وتباسى كۇشى» سۋرەتى ءۇشىن يەلەندى.

جەڭىمپازداردى ماراپاتتاۋ كەيىنگە شەگەرىلگەن. جەڭىمپازدارىنىڭ سىيلىقتارى «داعدارىس ورتالىقتارىنىڭ وداعى» زتب اتىنان ۇلەستىرىلەتىن بولادى.