پارا بەرسەڭ...
پاراقورلار حالىقتى الداپ
«جەم» جەيدى,
اقشا بەرمەي, قوعامدا ءىسىڭ
ونبەيدى.
دۇنيەگە كەلگەن كەزدە
جاس ءسابي,
دارىگەرگە اقشا بەرگەن
ءجون دەيدى.
بالاباقشا ءتىزىم تىزە باستايدى,
بالاڭىزعا ورىن تابۋ
باس قايعى.
باسشىسىنا بەرمەسەڭىز
«سىيلىعىن»,
ەسىكتەرىن بالاڭىزعا اشپايدى.
ستۋدەنت شاق «سەسسيا»
دەپ سىنايدى,
مۇعالىمدەر تاعى پارا سۇرايدى.
ورنالاسۋ ءتىپتى قيىن جۇمىسقا,
پارا سۇراپ ۇمىتقاندار
قۇدايدى.
وسىنى ويلاپ سارى ۋايىمعا
باتاسىڭ,
جەمقورلاردىڭ تىلدەپ,
سوگىپ اتاسىن.
اجال جەتىپ ولگەندە دە, و, توبا!
پارا بەرسەڭ,
كەڭ قابىرگە جاتاسىڭ.
اقسىندار تابىلدىقىزى
ماڭعىستاۋ وبلىسى