وسىدان بەس جىل بۇرىن الماتى وبلىسىنىڭ ءتورت اۋىلىنا ۇلتتىق قور ەسەبىنەن سۋ قۇبىرى جۇرگىزىلگەن. جوبانىڭ قۇنى – 1 ملرد 200 ملن تەڭگە. ونىڭ 178 ميلليونى اقجازىق اۋىلىنا ارنالعان. تەك تەگىن ەمەس, نەسيەگە. بورىشتى بۇعان دەيىن جەرگىلىكتى سۋمەن جابدىقتاۋ ۇيىمى تولەپ كەلگەن. بىراق ول قارىزعا باتقاننان كەيىن قارىز تۇرعىندارعا جۇكتەلگەن. سوندىقتان دا ءتاريفتى كوتەرۋدى ۇسىنعان, دەپ حابارلايى Egemen.kz ەۋرازيا ءبىرىنشى تەلەارناسىنا سىلتەمە جاساپ.
تۇرعىنداردىڭ ايتۋىنشا, اۋىز سۋدىڭ ساپاسى وتە ناشار. سۇزگىدەن وتكىزۋگە دە كەلمەيدى ەكەن. ونىڭ ۇستىنە جۋىردا عانا نەسيەگە جاسالعانىن بىلگەن. ⠀«بۇل جاعداي جالعاسا بەرسە, كورشىلەرىمىزبەن بولىسە الماي قالامىز. تاريف وتە قىمبات – 174 تەڭگە. اكىمگە شاعىم دا جازدىق. سول كەزدە سۋدى 20 جىلعا نەسيەگە جاساعاندارىن بىلدىك. بۇعان دەيىن ەشكىم بىلمەگەن. ەندى سۋ باعاسىن 1 000 تەڭگەگە دەيىن دەيىن كوتەرمەك. ولاي بولسا, بىزگە ەسكى قۇدىقتاردى قايتارسىن. وندا ءتىپتى سۋ دا تازا بولاتىن», دەدى اۋىل تۇرعىنى قايرات دۋلاتباەۆ. ء⠀«بىز مونوپولياعا قارسى كوميتەتكە ءۇش اۋىلداعى تاريفكە قاتىستى ساۋال جولدادىق. اقجازىق اۋىلىندا – 996 تەڭگە, لەسنوۆكا اۋىلىندا – 918 تەڭگە جانە پەدجيم اۋىلىندا – 446 تەڭگە. بۇل ءبىر تەكشە مەتر سۋدىڭ باعاسى. اقجازىق پەن لەسنوۆكا اۋىلدارىنىڭ كولەمى شاعىن بولعاندىقتان, مۇنداعى تاريف تە قىمبات», دەپ ءتۇسىندىردى سۋمەن جابدىقتاۋ كاسىپورنىنىڭ باس ەكونوميسى نازيرا قاسەنقىزى. ⠀«تۇرعىنداردان ءوتىنىش ءتۇستى. ءبىز ونى 90 جۇمىس كۇنى ىشىندە قاراستىرامىز. دەپارتامەنت ءالى شەشىم شىعارعان جوق. بۇل جەردە ءتاريفتى 2021 جىلدىڭ سوڭىنا دەيىن كوتەرۋ تۋرالى ماسەلە قارالعان جوق. ەگەر كەلەسى جىلى وسىنداي ۇسىنىس بولسا, وندا شەشۋ جولدارىن قاراستىرامىز», دەپ جاۋاپ بەردى تابيعي مونوپوليالاردى رەتتەۋ دەپارتامەنتىنىڭ ءبولىم باستىعى باقتيار باقىتجان ۇلى. ⠀ تىلشىلەرىنىڭ ايتۋىنشا, سۋمەن قامتاماسىز ەتۋدىڭ بارلىق جۇيەسى نەسيەگە الىنعان. ياعني, نەسيە تولەنبەسە, بارلىق جابدىق قايتارىپ الىنادى. ⠀«جوبا بيۋدجەتتىك نەسيەلەۋ باعدارلاماسى بويىنشا جۇزەگە اسىرىلدى. 20 جىل ىشىندە بيۋدجەتكە سالىنعان اقشانى قايتارۋعا ءتيىسپىز. كەلەسى جىلدان باستاپ تۇتىنۋشىلار نەسيە تولەيدى دەپ بولجانىپ وتىر. بىراق بۇل اۋىلدا تاريف باسقالارعا قاراعاندا جوعارى. بۇل ماسەلەنى قاراستىرامىز جانە بولاشاقتا شەشەمىز», دەپ ۋادە بەردى اۋداننىڭ تۇرعىن ءۇي-كوممۋنالدىق ينسپەكتسياسى ءبولىمىنىڭ باستىعى ارمان تازابەكوۆ.